相關連結>>>【搵食艱難】忽略兩子成長 李家鼎：做呢行，好難有乜嘢親子生活！:https://bit.ly/2SqGnRQ
今時今日嘅鼎爺已經係廚神一名，《阿爺廚房》更加開到第三輯。佢精細刀工同烹調，好多人都想拜佢為師。而73歲嘅鼎爺都想將粵菜獨門秘方，承傳俾佢李氏後人。
要喺佢一對孖仔二揀一，鼎爺最後決定傳俾參選過區議員嘅大仔泳漢繼成衣砵。
接班前，阿仔先接受鼎爺訓示。「叫佢用心學落去，千萬別半途而廢。」鼎爺說。
大仔泳漢亦話面對嚴師老豆，好有壓力。「鼎爺本身要求好嚴格，一開始已經俾壓力，叫我唔好整衰佢個名，所以跟佢做嘢都頗有壓力。」
出名要求嚴謹嘅鼎爺，就算阿仔接捧，依家喺私房菜餐廳幫手，都要佢由廚房基本功做起，即係跟足廚房學徒一樣，由切菜、執碼開始做，阿仔冇跳級特權。
鼎爺說：「佢炒牛河都得嘅，茄汁蝦嗰幾樣嘢都幾好，佢本身擅長煮西餐，依家跟我學埋中菜。不過刀工仲未有耐，邊有咁易學得晒。」
為不負老豆期望，泳漢每日喺廚房日踩十幾粒鐘，由低學起密密做。雖然辛苦，但能夠繼成老豆廚神衣砵都係值得。
來源 source: http://nextplus.nextmedia.com
|
鍾意就快D Share啦！
|
|
|
