仲有猛片>>>【傳授大孖接班做廚神】要泳漢切菜學起 鼎爺嚴訓:唔可以整衰我個名:https://bit.ly/2ERdo5H
鼎爺二十歲開始就做龍虎武師，呢份工好辛苦，工作時間長不特止，仲要就廠期，唔怪得鼎爺自己都話片場就係屋企。
做事認真嘅佢，為咗工作連屋企都冇乜點理，李泳豪同李泳漢兩個仔嘅成長過程，佢完全忽略。
鼎爺曾經講過，自己好少時間陪兩個仔，仲話記得佢哋細個話鍾意食佢煮嘅嘢，咪盡量一星期煮一次俾佢哋食，煲吓雞湯，蒸吓魚，食到佢哋快高長大。做呢行，好難有乜嘢親子生活，唔使開飯咩？做到幾多得幾多
鼎爺仲話拍《香港八一》時，嗰陣TVB仲喺廣播道，佢每日兩點幾就去湊孖仔放學，然後帶佢哋入廠睇自己拍戲，之後，兩個仔仲做埋童星添。「佢哋兩個根本喺個廠大，成日同啲藝人仲有crew玩。」
為人父母，養兒一百歲，長憂九十九，鼎爺對於兩個仔嘅愛，係放在心裡難開口嗰種，當見到個仔有事，佢會第一個出嚟撐。
日，講起「楊思琦」鼎爺依然十足火氣，一切都只想保護個仔，唔怪得鼎爺話，「兩父子有乜嘢啫，最緊要身體健康，老人家都係望呢d。」
人到晚年，好多嘢都會放下、包容，好似鼎爺同前妻施明離婚多年，各有各生活，直到大仔泳漢結咗婚生咗仔女，鼎爺同施明多咗見面，會齊齊行街食飯。
上個月，李泳漢細女Charlotte滿月，一家人到影樓影全家福。李泳豪將相上載社交網，留言︰「三代同堂，齊齊整整，平平安安。幸福，感恩，珍惜！」
相中見施明抱住孫女，鼎爺抱住孫仔，一家人笑得好開心，相信鼎爺最窩心。
攝錄：陳亦龍、蕭敬漁、王志輝
來源 source: http://nextplus.nextmedia.com
|
鍾意就快D Share啦！
|
|
|
