提升人臉辨析功能？ 10yearschallenge 被指有陰謀
查看相片
成個facebook instagram都係十年前後照片，
我估到呢個風潮到周末應該收工，算俾多佢啦。
成件事係咪post相再睇人地肥咗瘦咗做緊乜咁簡單？
有傳媒報導就指，呢個玩意可能另有目的。
咩目的？就係懷疑透過用戶post對比十年前後嘅個人照，
社交平台嘅人工智能系統就可以乘機收集數據，
更能掌握人類面孔隨年月嘅變化。
查看相片
有學者就表示，10yearschallenge 係一個好適合人工智能系統「學習」嘅機會。
而呢啲資料好有可能被濫用。
短短三日，就有520萬用戶喺Facebook參與呢個「新舊對照」玩意，
而呢個平台就已經否認指控，仲話用戶唔放心的話，
可以自行設定是否使用「容貌辨析」功能。
Google舊年就推出過一個功能，能夠即時將你張相同名畫對照。
犀利到咁！
你估平日玩開嘅影相app，會唔會用你啲自拍照嘅數據，
交俾（甚至賣俾）其他機構嚟研究？
|
鍾意就快D Share啦！
|
|
|
