掃呢頁CODE去手機

2019年1月18日 星期五

預產期7月首做父母黃澤鋒老婆52歲高齡陀B「佢冇乜氣力,出入要車佢」 __,黃澤鋒,

黃澤鋒太太陳麗麗以52歲超高齡懷孕,昨日黃澤鋒與太太拖到實到醫院做產檢,對愛妻呵護備至。
黃澤鋒太太陳麗麗以52歲超高齡懷孕,昨日黃澤鋒與太太拖到實到醫院做產檢,對愛妻呵護備至。圈中喜事不斷,再添一個豬BB!黃澤鋒前晚在fb報喜將首度做爸爸 ...


圈中喜事不斷,再添一個豬BB!黃澤鋒前晚在fb報喜將首度做爸爸媽媽,宣佈下月踏入52歲的太太陳麗麗在去年底懷孕,正陀B三個月,預產期是7月。黃太以52歲超高齡陀B,見到老婆辛苦,黃澤鋒也將最辛苦的事都孭上身:「太太陀住BB冇乜氣力,出入都車佢。」他更會努力賺奶粉錢,直言所有工作都會接。

相關新聞:【飛魚之子】渡海泳冠軍變拳證

現年51歲的無綫前藝人黃澤鋒,在10年迎娶圈外女友陳麗麗,兩人新婚時一直恨生B,現在終於願望成真。黃澤鋒前晚在fb報喜,貼出一對粉紅色初生嬰兒手套,並留言:「1+1=3,2019願望成真,以欣喜之心迎接新生命的來臨,一家三口。」其實黃澤鋒太太陳麗麗下月已屆52歲,成為超高齡產婦,風險甚高。

黃澤鋒昨日在電話中興奮回應:「真係多謝你,咁嘅年紀做爸爸。我哋都唔細,有一個家庭就完整啲、開心啲,我有教小朋友,佢哋有曳有乖一面,我哋都鍾意小朋友,今次有真係好開心。」



新生命即將來臨,黃澤鋒前晚在fb上貼出BB的手套,開心報喜。互聯網圖片 新生命即將來臨,黃澤鋒前晚在fb上貼出BB的手套,開心報喜。互聯網圖片
黃澤鋒與太太結婚八年多,首度做父母,由二人世界變成三人行。互聯網圖片

黃澤鋒與太太結婚八年多,首度做父母,由二人世界變成三人行。互聯網圖片

自然受孕

「準豬爸」黃澤鋒昨午2時許,做柴可夫載太太到沙田威爾斯親王醫院做產檢,近日天氣轉涼,黃太也包到冚到醫院,並戴上口罩防細菌。大概兩個多小時後,兩人離開醫院,記者上前恭喜,黃澤鋒夫婦即開心笑唔停。問到他們是否人工受孕?黃澤鋒指是自然受孕:「唔係,最大原因我諗係太太6月辭咗職,佢休息好夠就容易有孕。其實我哋結婚頭幾年有諗生BB,但呢五、六年就冇諗,越緊張越冇,呢次有咗係好surprise,BB係上天嘅禮物。」

黃太陳麗麗以52歲超高齡陀B,除了聽醫生話會多休息,黃澤鋒也會特別照顧太太:「我仲叫佢唔好拎重嘢,佢話上樓梯都辛苦,我先明白阿媽陀我時都辛苦。」黃澤鋒續說:「見太太陀住BB冇乜氣力,出入都車佢,聽講呢段時間最麻煩,醫生話過咗呢段時間好啲,小朋友同大朋友都關我事。我呢排好忙,另一方面要搵奶粉錢,又勤力做嘢,所以有job都接,如果大家聽到我呼籲,畀多啲job我,搵多啲錢養小朋友嘛,太太教緊泰拳班我接手,雖然辛苦,但辛苦得嚟好開心,迎接一個新生命,對於我嚟講應該唔同咗。」

相關新聞:【得來不易】林青霞47歲產女險難產



陳麗麗(中)除了擔任泰拳教練外,也會為泰拳比賽擔任評判。互聯網圖片

陳麗麗(中)除了擔任泰拳教練外,也會為泰拳比賽擔任評判。互聯網圖片
黃澤鋒在87年參加無綫藝員訓練班入行,與鄭伊健、吳婉芳等同屆。資料圖片

黃澤鋒在87年參加無綫藝員訓練班入行,與鄭伊健、吳婉芳等同屆。資料圖片

唔怕代溝

黃澤鋒51歲才生第一胎,可會擔心將來跟孩子有代溝?他表示:「我𠵱家都有教細路仔,有3歲小朋友,溝通上冇困難。」至於添丁會否打亂二人的退休計劃,黃澤鋒直言不言休:「冇諗退休,我教拳可以教一世。」黃澤鋒透露太太目前懷孕剛滿三個月,至於在fb貼出粉紅手套相,並不是暗示生女:「未照到BB性別,啱啱先夠三個月,預產期今年7月,之前要預備啲嘢,我未做過爸爸,同新手冇分別。」

採訪、攝影:比華利、梁繼光



【高齡注意】小心飲食 補充葉酸

黃澤鋒太太陳麗麗以52歲超高齡懷孕,婦產科醫生藍寶梅昨接受《蘋果》電話訪問,表示超高齡孕婦在懷孕期間要特別留神:「呢個年齡有孕,真係得來不易。要留意胎兒患上唐氏綜合症風險會比較高,都要注意妊娠糖尿同高血壓。」

對於黃澤鋒指太太陀B易攰,藍寶梅續說:「孕婦乜嘢年紀都易攰,畢竟年紀大,體力大打折扣。」問到高齡產婦要注意事項,藍寶梅答:「留意葉酸嘅補充,飲食均衡,唔好食雪糕同飲咖啡,小心飲食。」以陳麗麗情況,適宜剖腹還是自然分娩?藍寶梅說:「多數會揀開刀,但自然分娩都得,要睇懷孕後期先決定到。」




鍾意就快D Share啦!