張栢芝去年11月誕下第三子，近日她積極復出，更聲演周星馳執導的賀歲片《新喜劇之王》。兩人見面即重演99年經典電影《喜劇之王》中，星爺摸栢芝下巴的經典動作，栢芝笑得非常燦爛，恍似回到20年前。不過星爺見到栢芝未收身，問對方體重，栢芝自爆接近130磅，而生B前更有180磅，但她揚言：「多兩個禮拜我就瘦番，好快！」
相關新聞：邱禮濤被消失
現年38歲的張栢芝入行近20年，出道作品就是與周星馳合拍的《喜劇之王》，當年18歲的栢芝在戲中飾演神化舞小姐「柳飄飄」，令不少宅男驚艷，就連戲中飾演落泊演員「尹天仇」的周星馳也對她傾心。星爺執導的《新喜劇之王》將於賀歲檔期上映，雖然原版主角栢芝沒有演出，但星爺也特別找來栢芝特別為電影聲演。
栢芝去年11月誕下第三名兒子，今次配音是她產後首個工作，仍完全未收身，星爺見到栢芝，也忍不住詢問她目前體重，栢芝大方自爆：「接近130磅，因為我𠵱家唔做得運動，畀多兩個禮拜我就瘦番，好快，我生嘅時候180磅。」星爺表示再見栢芝，有種重拾當年第一次見面的感覺，因為當年栢芝也是130磅。之後栢芝努力keep fit，曾瘦到得90多磅，對於現在又重回昔日的磅數，栢芝不禁嘆謂：「真係慘呀！」
「前世欠佢」
雖然《喜劇之王》已是20年前的事，但這對舊拍檔仍然十分合拍，星爺監督栢芝配音之餘，兩人又重做《喜劇之王》入面，星爺摸栢芝下巴的經典動作，栢芝笑得十分開心。完成配音後，兩人一起接受訪問，栢芝表現雀躍，如柳飄飄上身。問到星爺為何再找栢芝，他笑說：「唔搵佢，唔准㗎喎！犯法㗎喎！監都有得坐。」栢芝聽罷大笑：「我收到消息，好緊張，乜都唔知。拍第一集時都係乜都唔知嘅，但我乜都say yes，經理人話我前世欠咗佢，永遠講乜都yes。」
相關新聞：【賀歲廝殺】港片各出奇招
9年冇見
早前曾有傳言星爺是栢芝幼子的生父，但栢芝否認。兩人在訪問中，表示對上一次聚會已是9年前的事，栢芝大讚星爺沒有變老，令她想起兩人第一次見面：「當年第一次見面，其實我一啲都唔驚佢，我係驚自己做得唔好，我未有時間諗要驚佢，我唔想令大家失望，我知自己能力可以做到嘅，如果用心嘅話。」星爺即大讚她：「其實栢芝唔使用心，都可以做得好好。」栢芝笑說：「就係想你咁講。」
栢芝不諱言當初已十分欣賞星爺：「男人嘅才華，有錢同權力乜都假，才華係覆蓋一切。」星爺追問：「即係唔使靚仔？」栢芝大笑回應：「唔使㗎！但你有埋都冇辦法」星爺即笑說：「唔怪得你唔揀我」星爺透露《新喜劇之王》講述一名臨時演員的奮鬥過程，跟《喜劇之王》看似雷同，但其實內有乾坤，他又指今次女主角似自己。栢芝也撐星爺：「大多數人都覺得周星馳就係同搞笑掛鈎，人生有幾多個二十年，想拍就去拍！」
撰文：沈麗珠
|
鍾意就快D Share啦！
|
|
|
