19歲「小鮮肉」姜濤(姜B)，憑着ViuTV選秀真人騷《全民造星》彈起，外表俊朗、怕怕醜醜，不少姐姐們都好受落。而姜B還有一個大賣點，他曾經在節目上自爆「未拍過拖」，間接承認是處男。不過，姜B的處男之身仍然是個謎，早前曾被踢爆求學期與一個女仔十指緊扣過馬路，他之後解釋是「俾人玩」，原來對方從未愛過自己（相關新聞： https://bit.ly/2VOM5it )。
日前《蘋果》讀者Iris透過「爆相爆片」，表示見到姜B與一個女仔好親密在銅鑼灣街頭，Iris說：「嗰日傍晚近七點，喺銅鑼灣SOGO對面，我坐緊雙層巴士，咁啱望落去見到個咁colourful頭髮嘅男仔，就認到佢係姜濤，身邊仲有個女仔，相信都有途人認得姜濤，但我架車好快就開走咗。」相中見姜B與長髮女都是戴住口罩，明顯怕被人認出，姜濤將口罩拉低少少，他穿着的格仔大褸之前拍廣告時都着過，所以很容易認出，而長髮妹就借意挨落姜濤胸膛，兩人貼得好近。
《蘋果》有問姜濤是否拍拖？他以短訊回覆﹕「普通朋友。」但相中見女方挨落他胸膛，姜濤給了一個笑到喊emoji，並「吓」了一聲，然後說：「我諗應該係太多人逼住。（但當時唔係好多人喎？）咁我就唔知，可能係啲人諗太多。」
據悉長髮女其實是網紅女「墨爺」Anjan，曾客串ViuTV劇集，樣貌有少許似乃木坂46主將、日本寫真女王白石麻衣。Anjan與白石麻衣嘴角上都有一粒墨，非常cutie。而姜濤向來鍾情日本妹，他曾經在社交網透露自己與Eric Kwok（郭偉亮）都很喜歡有村架純，未知Anjan是否姜濤喜歡類型呢？！
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
