陳茂波(右)申報太太許步明(左)本月初增持一個中山住宅單位作自用。
財政司司長陳茂波(波叔)去年底至今年初曾經講過會適時調整樓宇按揭成數，但其後政府表明無意減辣，一時一樣。原來喺本月初，波叔就選擇買內地樓唔買本地樓，佢申報太太許步明增持咗一個中山住宅單位作自用。
繼政制及內地事務局局長聶德權、財經事務及庫務局副局長陳浩濂、發展局副局長廖振新及民政事務局政治助理黎穎瑜後，波叔成為新一個喺南中國置業嘅問責官員。根據有關申報資料，陳茂波嘅太太喺本月四日買入一個位於中山市嘅住宅單位作自用，波叔亦會使用該單位。
近年香港樓價開始下跌，外界逐漸有聲音要求撤銷部分樓市辣招，雖然政府表明無意撤辣招，但波叔作為主導香港經濟政策嘅主要官員之一，如果買賣任何本地物業，相信都會惹來質疑。唔知係咪因為咁，所以要放眼香港以外的物業市場呢？此外，黎穎瑜喺本月七日亦申報丈夫嘅職業有轉變，由原本嘅博士研究生變成數據分析師。
來源 source: http://hk.on.cc
|
鍾意就快D Share啦！
|
|
|
