周星馳新戲即將上映，但好多人睇完預告都唔buy，反而佢主演嘅《蓋世豪俠》又重播，再帶動深宵煲劇潮，真係好兩極。
原來《蓋世豪俠》已經係30年前嘅作品，好多年輕一輩都未睇過，藉住TVB第4次重播，唔少網民都讚劇中飾演李珠嘅羅慧娟好靚。唔靚又點會同星爺戲假情真擦出愛火，仲一拍就3年拖呢！
當年二人並無公開戀情，但外界早知佢哋係一對，直到星爺同朱茵拍《逃學威龍2》，疑有人腳踏兩條船先搞到分手收場。分手後，羅慧娟一度拒談同星爺嘅感情事，又話死都唔會認同對方拍過拖。之後終於肯講拍拖3年係點渡過，羅慧娟就話「3年或者係容忍極限期」，而且唔明白點解人哋將佢嘅痴心視為痴線。記得朱茵亦曾經喺電台講過，非常痛恨花心嘅前度星爺。羅慧娟得知後，覺得自己比朱茵好彩，分手後先知星爺花心。
2008年，羅慧娟嫁俾新加坡大亨做少奶奶。可惜婚後4年因癌離世，好在佢遺言話：「係好開心咁離開。」
來源 source: http://nextplus.nextmedia.com
|
鍾意就快D Share啦！
|
|
|
