掃呢頁CODE去手機

2019年1月25日 星期五

【爆相爆片】《勾手指尾》麥貝夷暗撻港男 兵哥翟威廉畀錢埋單 __,爆相爆片,翟威廉,麥貝夷,

翟威廉和麥貝夷被讀者發現在旺角拍拖食pizza。(讀者提供圖片)
翟威廉雖然是2010年港男冠軍,曾經與同屆港姐冠軍陳庭欣暗撻5年,分手後亦跟劉佩玥傳過緋聞,可惜都是未有好結果,兩女現各有護花使者,做慣兵的翟威廉單身 ...


翟威廉雖然是2010年港男冠軍,曾經與同屆港姐冠軍陳庭欣暗撻5年,分手後亦跟劉佩玥傳過緋聞,可惜都是未有好結果,兩女現各有護花使者,做慣兵的翟威廉單身了年幾,原來已暗暗起革命,跟唱《勾手指尾》的歌手麥貝夷出雙入對,日前被讀者陳先生透過「爆相爆片」踢爆戀情。



讀者陳先生日前在旺角發現翟威廉跟麥貝夷疑拍拖,向《蘋果》分享了拍得的相片,陳先生受訪時表示:「嗰晚8點幾,我喺旺角見到佢哋,當時冇乜人留意佢哋,因為自己有睇開TVB劇,細個又成日聽麥貝夷嘅《勾手指尾》,所以認到佢哋。佢哋喺餐廳外面睇咗一陣,之後入咗pizza店搵位,我見到翟威廉攞銀包出嚟,畀錢麥貝夷去排隊買嘢食,佢自己就留喺度霸位,佢哋坐雙人枱,一定冇約其他朋友。」



陳先生指最初發現兩人一齊時,都覺得有點好奇:「直至見到男仔畀錢女仔買嘢食,都知佢哋係乜嘢關係,後來翟威廉仲周圍望,好似發現我影相。」而相中可見翟威廉當日戴cap帽,跟麥貝夷同樣打扮低調。



32歲的麥貝夷,當年與鍾一憲合唱《勾手指尾》為人熟悉,前年大方認愛,表明跟樂隊KillerSoap成員陳樂恒拍拖,兩人亦經常在社交網放閃,甚至大晒情侶戒指相片,一度惹來陳樂恒求婚成功疑雲,惟去年4月,麥貝夷忽然在社交網宣佈分手,當時未有透露是否跟第三者有關。



而出身中產家庭的翟威廉,前年跟胞兄合資300多萬元,買入旺角一個工廈單位作「直播室」,經常與「十優港姐」麥明詩、何廣沛、周志文、周志康夾歌,麥貝夷都是常客,未知兩人是否唱出愛火花!



對於跟麥貝夷爆戀情,翟威廉回覆傳媒就例牌否認,佢仲話:「我哋夾歌,成日一齊食飯,同女仔食飯一定我畀錢,但唔係拍拖。」問到兩人可有發展機會?翟威廉就有保留:「真係唔知,好難答你。」



精選娛聞,喺晒《娛果》

http://fb.com/appledailyent



翟威廉和麥貝夷被讀者發現在旺角拍拖食pizza。(讀者提供圖片) 兩人全程貼住行。(讀者提供圖片) 兩人全程貼住行。(讀者提供圖片)
翟威廉畀錢麥貝夷買食物。(讀者提供圖片)

翟威廉畀錢麥貝夷買食物。(讀者提供圖片)
麥貝夷負責去排隊。(讀者提供圖片)

麥貝夷負責去排隊。(讀者提供圖片)
麥貝夷唱《勾手指尾》為人熟悉。(網上圖片)

麥貝夷唱《勾手指尾》為人熟悉。(網上圖片)
翟威廉和麥貝夷合作拍短片。(網上短片截圖)

翟威廉和麥貝夷合作拍短片。(網上短片截圖)
麥貝夷不時上翟威廉開設的直播室夾歌。(網上短片截圖)

麥貝夷不時上翟威廉開設的直播室夾歌。(網上短片截圖)
前年麥貝夷公開和樂隊KillerSoap成員陳樂恒拍拖,但後來宣佈分手。(網上圖片)

前年麥貝夷公開和樂隊KillerSoap成員陳樂恒拍拖,但後來宣佈分手。(網上圖片)
麥貝夷和陳樂恒拍拖7個月,突然分手。(網上圖片)

麥貝夷和陳樂恒拍拖7個月,突然分手。(網上圖片)

鍾意就快D Share啦!