好老公咪呢啲囉！！
藝人陳豪出席「童跑同樂馬拉松」活動，透露已第四年參與，問到為何不帶同三個小朋友出席，他笑謂：「帶埋佢哋就會做湊仔公，全程照顧住佢哋。（老婆陳茵媺話平時有同你爭湊仔？）呢個好自然小朋友都黐我哋，平時出街都會睇佢哋食唔食得飽，穿唔穿得暖。」
正在休息的他表示計劃與太太出埠二人世界，但否認是造人之旅：「應承咗每年都會有一次，到時媽咪會嚟香港照顧小朋友，仔女都講道理，會早啲同佢哋講，等佢哋有心理準備。」
而陳琪則帶同大女現身，笑指被對方嫌棄跑得慢：「佢話跑到終點打畀我，咁佢就可以攞第一名，叫我慢慢跑，家姐平時喺屋企有玩吓跑步機，細女反而成日想做香港小姐，細佬就鍾意唱歌多啲，如果唱得叻，等佢大個畀佢參加歌唱比賽。」
來源 source: http://hk.on.cc
|
鍾意就快D Share啦！
|
|
|