現年69歲的李兆基，曾是慈雲山十三太保古惑仔，跟住大佬陳慎芝，改邪歸正後，加入電影圈，演盡數個家喻戶曉的惡人角色。
去年11月李兆基接受訪問，親口證實罹患肝癌，曾經表示會放棄治療，最終他在親友鼓勵下，還是決定做手術，並於1月9號完成手術，現已出院。
李兆基豁達表示：「你唔做手術，死都係死喺醫院；你做手術，都係死喺醫院，始終都係死喺呢度，就做喇。」問及術後感受，李兆基不忘吹水本色:「我驚咩？以前我俾幾支槍打，我都未驚，我驚咩？」
話鋒一轉，他感激醫護人員的照顧:「都係希望早啲復原，呢度醫生好好，有把握他會講，無把握就會話知我無把握。」
多年好友陳慎芝代李兆基感謝各界人士的關心，表示他現時狀態良好：「佢8號入醫院，9號做手術，切咗肝臟腫瘤， 醫生預備他要住五日深切治療部，但阿基只住咗一日就轉去普通房。」
「阿基仍然頭腦清晰，我諗醫生真的完成得好好，好感謝醫護人員！」
陳慎芝最後更感謝一眾慈雲山街坊和藝人古天樂，「阿基今次康復都好理想，最開心係唔駛化療，除咗多謝慈雲山街坊同朋友，特別係古天樂先生同佢助手，一直聯絡、關心阿基情況，我好感謝佢。」
撰文：陳慧瑩 巴圖
攝影：攝影組
相關連結：
【獨家專訪〡李兆基患癌】罹患肝癌放棄治療 李兆基：係時候死，就說一句Bye Bye！(足本版)
https://bit.ly/2sL34VJ
【惡人基捱最後一刀】李兆基罹患肝癌決定做手術 同門大佬鼓勵 ：我們做了四十多年好人
https://bit.ly/2B3gyRb
立即下載Apps，隨時隨地睇盡時政專題、深度偵查、娛樂熱話！
按此連結： http://bit.ly/next28app
|
鍾意就快D Share啦！
|
|
|
