掃呢頁CODE去手機

2019年1月10日 星期四

麥明詩:臨別一操!麥明詩換戰衣蜜會暖男教練 __,麥明詩,

麥明詩日日操車。「十優港姐」麥明詩(Louisa)即將踩單車到柬埔寨拍攝慈善節目,為應付長途踩單車,她搵咗前港隊公路單車車手胡健燊操車,佢哋幾乎日日「 ...


麥明詩日日操車。


「十優港姐」麥明詩(Louisa)即將踩單車到柬埔寨拍攝慈善節目,為應付長途踩單車,她搵咗前港隊公路單車車手胡健燊操車,佢哋幾乎日日「蜜」會,今日佢着旗袍出席活動後,就急急腳走人,原來佢又約咗教練去操車,臨別在即亦繼續加操。佢自行揸車到西九文化區,雖然貴為港姐,但佢不顧儀態,急不及待除咗對黑色高踭長靴,着住對襪仔就落車,仲發現佢着咗對穿窿襪,舉止豪邁嘅佢戙高腳換鞋,旗袍下裸露大髀,未幾胡健燊就由遠處步行至她的座駕,Louisa之後換上單車戰衣,披上白色風褸,再手拎踩單車的白鞋。

教練胡健燊未有着單車衫,穿牛仔褲黑長褸嘅佢,先將私人物品放上Louisa嘅座駕,等Louisa全副武裝準備好,佢就邊行邊陪住Louisa練習。Louisa邊踩邊同教練傾,教練從旁給指導佢,所以佢踩到龜速,大約踩咗半小時,佢哋就走人。教練細心幫手將單車拆件放入車尾箱,難怪Louisa封教練做暖男想知多啲教練對Louisa有幾貼心?其實Louisa出活動時亦已大讚過㗎啦(相關報道: https://bit.ly/2QyLBcx )!之後Louisa做柴可夫接送教練到九龍港鐵站,之後就獨自揸車返歸。

----------------------------

東網巨星開咗ig喇,大家快啲follow

 https://bit.ly/2JjSVcr


來源 source: http://hk.on.cc
鍾意就快D Share啦!