掃呢頁CODE去手機

2019年1月1日 星期二

【壹夢成真上集】 丁可欣唔鍾意火雞姐 周國賢:其實你壓到場有殺氣 __,丁可欣,周國賢,

已經去到門口,不過其實好緊張,因為通常有機會見到自己一個好欣賞或者尊敬嘅人,喺見面之前一刻係最緊張嘅,咁⋯⋯入去喇!火:你好呀周:你好,唔好意思,我喺 ...




已經去到門口,不過其實好緊張,因為通常有機會見到自己一個好欣賞或者尊敬嘅人,喺見面之前一刻係最緊張嘅,咁⋯⋯入去喇!

火:你好呀

周:你好,唔好意思,我喺度搵緊lin!

火:搵乜嘢lin?

周:搵tambourine,我跌咗個tambourine,唔好意思。

火:好開心呀!

周:你係火雞姐喎,你好!

火:握吓手先,做啲最老土嘅嘢!先,因為我一直都係喺IG睇你嘅嘢!

周:我都係!

火:因為本身做咗第三首歌,之後就自己創作,經常都會留意好多自

己創作曲詞嘅歌手,所以一向都對你好尊重,到真係有機會可以同你見面,其實好開心,開心到而家唔知講乜嘢好,第一次見面勁尷尬,不過好開心可以同你見面。

周:原來你講嘢咁慢嘅。

火:平時如果對住熟啲嘅,我講嘢會比較快。不過我真係好開心,我哋係咪應該坐低先?坐邊度好?

周:嗰張梳化都幾舒服㗎!

周:你喺電視上唱歌驚唔驚?

火:喺電視唱歌會好驚。

周:但係我覺得你好鎮定。

火:我唔鎮定,真係好驚,因為除咗自己唱得好唔好之餘,其實好驚阻人收工,因為全部攝影師望住你,我就會好驚,我啲同事成日都會叫我唔好驚,好彩自己平時做開火雞姐,可以用嗰種mode去扮吓嘢、呃吓人。

周:其實你壓到場,幾有殺氣!

火:好多人都同你一樣,第一次見面嘅時候都會以為我講嘢好快,我覺得好好笑,但有樣好開心嘅係,我唔係佢哋真定假,好多人都以為係兩個人,我唔知係自己認真咗,定係佢哋真係以為係兩個人,所以我覺得藝術呢樣嘢真係好得意,你創作咗一個空間俾人哋,就永遠都唔需要再解釋,我覺得幾好玩!周:但係你自己分開兩個角色去行嘅時候,有冇矛盾?

火:我成日都好唔鍾意佢,因為其他人淨係關心佢,唔會關心我,都正常嘅,所以呢兩三年我發覺,除咗好老正咁話最大嘅敵人係自己之外,最大嘅敵人真係自己囉,就係火雞姐,我都好希望大家會記得我係歌手,因為始終好多人都

仲係會叫我火雞姐,但無乜人記得我係唱歌,有時都會唔開心。

周:我最初入行嘅時候係solo,其實以前好唔鍾意《目黑》時期嘅自己,因為當時自己比較鍾意band sound,所以行咗兩年之後,就毅然選擇去做Zarahn樂隊,喺做Zarahn樂隊嘅時候,我諗同你有啲似,喺一個band show,觀眾不停叫《目黑》,我覺得可唔可以唔好咁呢?就係有呢種感覺,直至好多年之後,先至將兩件事合體,其實佢都係你一部分,嘈都係我一部分。

火:我覺得呢個好有同感,因為有時以歌手身份做任何嘢,啲人都會叫我火雞姐,或者叫我以火雞姐語氣講嘢,我雖然唔抗拒,始終可能嗰部分嘅我做得好、有成績,其實都好好嘅,但係我真正想大家多啲認識唔同層面嘅自己,或者點樣轉變緊,可能真係需要啲時間,最緊要就係好似你咁樣堅持,因為堅持先係最重要。有時我覺得有啲人唔係特別成功或者特別叻,只不過係堅持,同埋要處理自己嘅心理關口,因為心理關口最能夠影響我,所以希望自己喺音樂路上,可以繼續分享自己想做嘅嘢,同埋想唱嘅歌,有自己鍾意嘅作品之餘,亦都可以有個好嘅心理狀態去面對,因為有時我發覺自己心理狀態唔好,好多嘢都會變質!

周:放鬆,你得嘅!

攝錄:王志明、吳斯金

採訪:肥A

相關文章:

【壹夢成真撐病歌迷】衛蘭親落時代busking 撐IgG4病患者陳康健(上集)https://nextplus.nextmedia.com/news/latest/20180523/588257

【壹夢成真】衛蘭落時代busking 撐IgG4病患者陳康健(下集)https://nextplus.nextmedia.com/news/ent/20180523/588269

【壹夢成真】帶聽障女生過澳門 睇偶像側田演唱會(上集)https://nextplus.nextmedia.com/news/latest/20180613/593310

【壹夢成真】澳門直擊 聽障女生方包搞到側田眼濕濕(下集)https://nextplus.nextmedia.com/news/latest/20180613/593330

【壹夢成真★同偶像合唱】街唱Judas好聲音 偶像關家姐出山jam歌支持(上集)https://nextplus.nextmedia.com/news/latest/20180407/579842

鍾意就快D Share啦!