掃呢頁CODE去手機

2019年1月1日 星期二

【2019新開始】蕭正楠網上晒恩愛 黃翠如:我們的第一年 __,蕭正楠,黃翠如,

蕭正楠同黃翠如喺網上晒恩愛!(Ig截圖)
今日係2019年嘅第一日,好多人都喺網上留言,回顧2018年之餘,亦會寫低2019年大計,有唔少喺去年做咗人妻或者做咗爹哋媽咪嘅藝人,今年對佢哋嚟講, ...


今日係2019年嘅第一日,好多人都喺網上留言,回顧2018年之餘,亦會寫低2019年大計,有唔少喺去年做咗人妻或者做咗爹哋媽咪嘅藝人,今年對佢哋嚟講,感受更加深!



啱啱喺台慶頒獎禮宣佈結婚嘅蕭正楠(新聞連結: https://bit.ly/2LkiRTI ),佢同太太黃翠如喺網上亦多咗互動,唔再好似以前咁低調。踏入2019年,佢哋分別喺Ig貼出合照,蕭正楠貼咗張望住日出嘅相,留言:「永遠快樂#蕭太太#新年快樂」黃翠如亦同樣貼出合照:「2018,我們的第一年。」雖然兩張相都只係得背影,但係都依然感受到嗰種sweet嘅感覺,唔少網民留言讚好,甚至期待下一年變「我們仨」。



同樣係去年升呢做咗人妻嘅歐陽巧瑩,佢拼貼咗唔少同老公林師傑嘅相,佢話:「多謝大家對林師奶&林師奶夫嘅厚愛,2018難忘的一年,多謝各位為我人生寫下重要的一章!I love u all and happy 2019」苟姑娘就話:「有驚有喜過了2018,之後,路上多了個大叔陪我走,勇敢迎接2019的挑戰吧!bye bye 2018 ~ Hello 2019~ 祝大家新年快樂!」



喺今年6月同富商曾文豪奉子成婚嘅李美慧,同一年做埋人妻兼靚媽,難怪佢喺2018年收穫不錯喔:「Hi 2019,要更加努力啦,身兼多職,要面面俱圓,不是一件簡單的事哦,有挑戰的人生才是精彩的,大家一齊加油#newyear2019#挑戰人生!」



至於熱戀中嘅黃心美,亦貼咗張男友視覺拖手嘅相,佢笑得都好sweet㗎!



精選娛聞,喺晒《娛果》

http://fb.com/appledailyent



蕭正楠同黃翠如喺網上晒恩愛!(Ig截圖) 黃翠如貼咗張背影相!(Ig截圖) 黃翠如貼咗張背影相!(Ig截圖)
蕭正楠亦都貼背影相。(Ig截圖)

蕭正楠亦都貼背影相。(Ig截圖)
李美慧話喺2019年要更加努力。(Ig截圖)

李美慧話喺2019年要更加努力。(Ig截圖)
唔知心美今年會唔會加入人妻嘅行列呢?(Ig截圖)

唔知心美今年會唔會加入人妻嘅行列呢?(Ig截圖)

鍾意就快D Share啦!