掃呢頁CODE去手機

2019年1月17日 星期四

政Whats噏:政Whats噏:游蕙禎po十年前舊照 網民問邊位? __,游蕙禎,

游蕙禎十年前的模樣,有網民直呼「邊位呀?」(互聯網)近日潮玩10YearChallenge,唔少政界人士都攞咗自己十年前同依家嘅近照出嚟對比,被DQ立 ...


游蕙禎十年前的模樣,有網民直呼「邊位呀?」(互聯網)


近日潮玩10YearChallenge,唔少政界人士都攞咗自己十年前同依家嘅近照出嚟對比,被DQ立法會議員資格嘅青年新政游蕙禎上載咗十年前嘅相,相中人着住紅色格仔衫,一臉稚氣,唔少網民直呼「邊位呀?」由於佢仲攞咗張嘔吐白沬嘅黑貓出嚟代表依家嘅自己,有網民形容佢變咗死貓。

唔少政界人士都跟貼潮流,好似游蕙禎咁,尋晚喺Facebook上載咗張相之後,已經吸引唔少網友留言,雖然有網民唔認得佢,但亦有留言話佢女大十八變,有網友讚依家靚過十年前,仲有人話認得佢着嗰件格仔衫,就係佢經常出席論壇時着嘅。

除咗游蕙禎之外,人民力量前主席袁彌明(Erica)同嫁咗畀佢阿哥袁彌昌嘅立法會議員容海恩(Eunice),呢兩姑嫂亦不約而同都喺fb上載咗十年前後嘅相。Erica就留言話自己冇乜變啫!果然有唔少網友留言,話佢「凍齡」、「靚咗又瘦咗」,亦有網友話佢作為上市公司主席,簡直係生招牌。

女人當然想人讚,但有網友就搞到Erica嬲嬲豬喎。事關有個網友留言話:「2018好好多」,佢即刻回覆話:「比(畀)吓面,話好『少少』咪好囉」,網友隨即反問:「咁讚法都嬲?」

至於Erica大嫂Eunice就將十年前嘅相同舊年嘅結婚照做對比,當年嘅佢明顯潮啲同野性啲。有網友就話「新娘是最美的!所有做人母親一樣是美的!」亦有網友話佢多咗女人味同依家靚過十年前,更有網友留言話佢冇變過。無論點都好,佢由單人行,舊年變咗雙人行,遲啲BB出世就變三人行,升呢做媽咪,睇怕佢好唔得閒。


來源 source: http://hk.on.cc
鍾意就快D Share啦!