有邊個可以令Band友黃貫中同一代女神朱茵變成攝影師同保姆？就係佢哋囡囡黃鶯呢日佢哋一家三口去AIA嘉年華玩，兩公婆對個女真係好著緊。去到嘉年華，兩公婆主要係陪阿女玩，有爸爸媽媽陪，黃鶯都顯得特別開心。
黃鶯先玩彈床，見佢跳極都跳唔高，Paul喺一邊拍片一邊大嗌加油。黃鶯放膽跳後，愈跳愈高，搞到朱茵好擔心咁叫佢小心點，但同時又覺得佢好搞笑。個女一玩完，朱茵就即刻過去接返個女，真係好肉緊㗎！
玩完彈床，佢哋轉戰玩充氣滑梯。驚阿女危險，朱茵都上去玩埋一份，從後護實，再夾住阿女一齊滑落去。唔只阿女玩得開心，朱茵都一樣玩得好開心，兩母女來來回回玩咗3次先肯走啊。而阿Paul就照舊做攝影師，企喺下面幫佢地拍片。
之後一家三口去玩水上大水泡，今次Paul唔再做攝影師啦，有同佢哋一齊玩。不過入夜天氣變凍加上可能會濕身，兩公婆即刻拎返件褸出嚟俾阿女著。見到阿Paul喺個女面前咁鐵漢柔情，相信佢之前帶住囡囡拍嘅真人騷《想想辦法吧爸爸》一定有更多兩父女可愛互動，可惜因為大陸限童令，呢個節目仍然播出無期啊！
來源 source: http://nextplus.nextmedia.com
|
鍾意就快D Share啦！
|
|
|
