2019年2月1日 星期五

湛琪清:湛琪清婚宴 甄子丹囡囡有份表演 __,湛琪清,甄子丹,

甄子丹老婆汪詩詩嘅表妹湛琪清(Jessica)今日結婚,有份擔任姊妺團嘅詩詩表示心情激動,自爆喺朝早睇見新娘着裙褂時已忍唔住喊,並透露封咗利是畀表妹做 ...


甄子丹老婆汪詩詩嘅表妹湛琪清(Jessica)今日結婚,有份擔任姊妺團嘅詩詩表示心情激動,自爆喺朝早睇見新娘着裙褂時已忍唔住喊,並透露封咗利是畀表妹做結婚禮物,而甄子丹就話:「一早預咗嚟飲表妺(湛琪清)呢餐,因為大家都係一家人。(你做兄弟?)唔係呀,其實我由頭到尾都係同一套衫,只係後尾除咗外套先睇落似兄弟衫,我呢啲年紀唔啱做㗎」問到囡囡Jasmine會唔會表演,詩詩就笑言:「會呀,佢走唔甩㗎,每逢我哋親戚有咩喜事或者結婚,佢都一定要表演。」

提到囡囡之前幫雜誌影相,子丹就否認為囡囡入行鋪路:「純粹係攞過經驗,趁佢15歲仲後生,影多啲靚相留倩影啫,我都想佢讀好啲書先。(囡囡依家好高喎?)係呀,好彩唔似我。」詩詩則表示未有考慮讓囡囡入行做模特兒。另外,不少圈中人包括英皇集團主席楊受成夫婦以及藝人楊洛婷等,亦有出席婚宴。


來源 source: http://hk.on.cc
鍾意就快D Share啦!