【本報訊】1997年亞洲金融風暴令本港樓價由最高峯插水，大批業主及首置買樓客淪為負資產。大角嘴居屋富榮花園屬重災區之一，成為香港史上最多撻定居屋之一，負資產業主更不計其數。
逾65歲的一手業主李先生（圖）憶說當年以綠表身份，斥資240多萬元買入11座一個3房2廁單位，一家四口入住。不幸是他剛落定不久，便遇上金融風暴，樓價大跌。
相關新聞：高位入嘉湖、嵐山最高危
「唔會好似97咁犀利」
李直言自己是負資產一員，「一落咗定就爆，嗰時有少少唔舒服，點解人哋一買樓畀咗首期，第二朝就有錢賺，我就畀咗首期即刻撞正金融風暴，但係我諗深一層自己唔係要嚟炒樓，我係要嚟住，所以就冇影響。」
一度淪為負資產，李先生卻無撻定，反而咬緊牙關度過，除因為早已計劃置業，另一個原因是他為公務員。他指早在80年代便想置業，但當時私樓樓價負擔不起，直至富榮花園推出市場，才有能力上車。
李指當年樓價高企，但他預期樓價會一直上升，「你唔買居屋，私樓更加唔使買」。再者以其公務員身份，可以綠表資格申請居屋，承造九成按揭，只需支付約15萬元首期便可上車，雖然每月供款要兩萬多元，不過以其收入「供得起」。
近月樓價下行，負資產恐增加，李先生卻不認同，「因為香港政府制度幾好，當年就差啲，𠵱家出現負資產機會唔會好高，可能會有，但唔會好似1997年咁犀利」。對於未來樓市走勢，李認為近期樓價雖下滑，但其實樓市已逐漸回暖，更強調現時樓價難重現1997年金融風暴或者2003年沙士等暴跌，「因為如今港人思想比較成熟，認為樓市會穩步上升，唔會學當年沙士年代跌得咁犀利」。
■記者葉煜燊
|
鍾意就快D Share啦！
|
|
|
