- 【養子手術令她有創傷後遺】張慧儀: 我對呢個回憶有恐懼
- 19分鐘前
2
開開心心接養子Hanson出院，張慧儀兩母子有過一個團圓新年。縱然她身份是養母，但俗語有云:「養兒100歲，長憂99。」，絕對合用在張慧儀身上。為Hanson的心臟大手術致心力交瘁，就算兒子現在身體逐見康復，但張慧儀仍不敢鬆懈，甚至出現創傷後遺的反應。
「我覺得自己有創傷後遺症，因為呢個回憶對於我嚟講都好恐懼，好難形容嗰段日子嘅心情，係我一世人從來未試過。對佢未來能否康復嘅未知之數充滿恐懼，所以令我好難忘。
「點解我話自己有創傷後遺症呢？而家我只要見到佢稍為唔精神就會好驚，擔心佢係咪病？係咪發燒？會即刻幫佢量度體溫，經常好敏感。同埋經常會提佢洗手消毒，因為而家細菌好厲害，所以令到自己都有啲緊張。」張慧儀說。]
點擊圖片
張慧儀:我有啲創傷後遺 但見佢康復已經
雖然誠惶誠恐的心情依然伴隨，但她已積極投入義工，希望藉著母子的經歷，幫助同路人。「見到佢每一日都好健康，呢個已經係好大嘅滿足。除此之外，我希望2019年可以帶佢做多啲義工，因為我哋加入咗兒童心臟基金會成為委員。好感恩喺呢段路上，Hanson康復或者手術前，有呢個基金會陪伴我，俾我輔導，同埋精神同心靈上嘅支持。經過Hanson今次手術，都可以理解到作為家長嘅心情，希望Hanson情況再好啲嘅時候，我帶佢去做義工，呢個係我哋應該做嘅事，回饋社會，係一種感恩方式。」]
點擊圖片
受過恩惠要回饋
每個經歷，都有其正面的力量。自從她一個女人咬緊牙關，擔起養兒責任，風霜掩蓋風騷，令張慧儀外型及演技更添細膩和味道。近期劇作《守護神之保險調查》到《荷里活有個大老千》，她的內心演繹更爐火純青，網民一致讚好。尤其在《荷》的演出，面對老戲骨鄭則仕及湯鎮業，交手火花四濺。張慧儀有閱歷，有戲味。
來源 source: http://nextplus.nextmedia.com
|
鍾意就快D Share啦！
|
|
|