掃呢頁CODE去手機

2019年2月6日 星期三

豬年全家紅館過鄭中基送愛送希望「香港有好多夢想」 __,鄭中基,

鄭中基個唱以夢想、希望和愛作主題,充滿正能量。
鄭中基個唱以夢想、希望和愛作主題,充滿正能量。鄭中基五場紅館個唱,前晚年三十晚揭幕,並唱至大年初一凌晨。鄭中基全家在場為他打氣,父親鄭東漢與女兒Emm ...


鄭中基五場紅館個唱,前晚年三十晚揭幕,並唱至大年初一凌晨。鄭中基全家在場為他打氣,父親鄭東漢與女兒Emma上台三代同堂合唱。鄭中基表示演唱會以愛及希望為主題,希望為大家灌注正能量,共勉香港有很多夢想。

相關新聞:陳明憙伴奏《放下》

鄭中基五場「One More Time世界巡迴演唱會」香港站前晚紅館開鑼,前晚年三十晚,難得全場爆滿,鄭中基父親鄭東漢、太太余思敏和一對子女都坐在第一排撐場,去到欣賞的有JW、吳若希、陳曉東與太太、何超儀和周秀娜等。



(左起)爺爺鄭東漢彈結他伴奏孫女唱歌,其後鄭中基上台加入陪女兒演出。 (左起)爺爺鄭東漢彈結他伴奏孫女唱歌,其後鄭中基上台加入陪女兒演出。
開騷前鄭中基老婆在台下照顧女兒,鄭的父親則照顧孫仔。

開騷前鄭中基老婆在台下照顧女兒,鄭的父親則照顧孫仔。
鄭中基唱《無賴》時,全場大合唱。

鄭中基唱《無賴》時,全場大合唱。

寸古仔拎歌手獎

穿上白底銀金色長褲及外套出場的鄭中基,連唱三首歌後說:「今次演唱會主題係dream、hope、love,講到夢想我哋香港有好多,𠵱家60歲係中年,即係你第時老到攤喺度唔郁都有幾廿年發夢。」他不脫搞笑本色,抽古天樂水講希望:「至於希望,年頭見到古天樂,佢內心掙扎咗咁多年,對做歌手都冇放棄,終於一出嚟就攞到最喜愛男歌手,令我都信心爆棚,不久嘅將來就應該到我。」鄭中基又自言關心單身人士:「好多後生仔拍拖擔心冇樓唔結婚,於是就唔拍拖,變咗好多人單身,又出現好多一人套餐、一人聖誕大餐、一人單位。我哋演唱會今次都特登推出單丁位賣,係最快賣晒,呢班單身人士一陣點歌環節我會特別照顧佢哋。」

唱完《龍咁威》之後,鄭中基再跟觀眾分享夢想,他笑言曾想做有「神之手」之稱的前AV男優加藤鷹:「加藤鷹最叻係同時令兩個人開心啫,我哋今晚萬幾人一齊開心到跳起。」其實他最開心還是與家人在台上合唱,當晚鄭中基父親鄭東漢及囡囡Emma現身台上,由Emma唱出《A Million Dreams》,唱到中段鄭中基再上台合唱,Emma唱完後與父親擊掌,然後三代同堂合唱《八 二十八 八十八》,Emma還有跳舞,觀眾反應熱烈。鄭中基其後表示:「三代同堂表演係我夢想,多謝大家。」Emma就祝福觀眾:「新年快樂,祝大家身體健康。」



前晚頭場鄭中基唱至凌晨送狗迎豬。

前晚頭場鄭中基唱至凌晨送狗迎豬。
杜汶澤(右)前晚做嘉賓,先幫老婆田蕊妮的個人大碟賣廣告。

杜汶澤(右)前晚做嘉賓,先幫老婆田蕊妮的個人大碟賣廣告。

阿澤鬧冇利是收

當晚表演嘉賓杜汶澤自言與鄭中基以往經常一起飲醉酒,提到一次酒後遇到電影公司老闆林小明:「我哋同佢講,不如你開套戲畀我哋,打贏周星馳。林小明話諗咗套戲好勁,叫《重案黐孖GUN》,個GUN字係英文所以好勁。之後鄭中基同佢講,如果你『黐孖』都係英文就真係勁喇,之後林小明黑晒面,我哋之後都好少開佢工。」阿澤暢談期間,鄭中基上台插嘴:「喂,唔好再講林小明,今晚呢個騷佢有份。」全場爆笑,鄭中基又說:「其實我未換好衫,其實我之前唔係咁嘅意思㗎,小明哥。」兩人一來一往直至凌晨12時倒數,並一齊唱《時間人物地點》。他們又到台邊向觀眾𢭃利是,有觀眾沒有帶利是,阿澤笑說:「有冇搞錯!」

採訪:曹家誠

攝影:陳俊強




鍾意就快D Share啦!