掃呢頁CODE去手機

2019年2月6日 星期三

六女離無綫 豬年更暢旺伍詠薇睇好沈卓盈發圍 __,伍詠薇,沈卓盈,無綫,

(左起)陸詩韻、黃婉曼、沈卓盈、伍詠薇、樂瞳和李思欣豬年祝大家「越撈越旺」。
(左起)陸詩韻、黃婉曼、沈卓盈、伍詠薇、樂瞳和李思欣豬年祝大家「越撈越旺」。【迎豬接福】先後離開無綫的伍詠薇、沈卓盈、樂瞳、陸詩韻、李思欣和黃婉曼六位 ...


【迎豬接福】

先後離開無綫的伍詠薇、沈卓盈、樂瞳、陸詩韻、李思欣和黃婉曼六位靚女,相約到中環食開年飯,一枱美食,十分豐富,寓意全年都豐衣足食,她們更一齊玩「撈起」,於今日大年初二祝願大家在豬年都「撈得更掂」,伍姑娘更睇好沈卓盈三喜臨門。

相關新聞:黃婉曼教食生蠔催生B

伍詠薇、沈卓盈、樂瞳、陸詩韻、李思欣和黃婉曼六位靚女先後離開無綫,向外闖後,她們的發展更有「錢」途。今日大年初二,六位靚女邊吃開年飯,邊互相祝願豬年行大運,未婚的沈卓盈、樂瞳、陸詩韻更大講祝福語𢭃利是。



六位靚女離開無綫後,伍姑娘被指發展得最好。 六位靚女離開無綫後,伍姑娘被指發展得最好。
沈卓盈想結婚、生仔和事業一齊進行。

沈卓盈想結婚、生仔和事業一齊進行。

利是講意頭

姍姍來遲的伍姑娘風騷說:「唔好意思,我遲咗嚟,真係好多嘢撈。有唔同平台搵我,好多工作。」五位妹妹醒目向伍姑娘拜年,她即逐一派利是,伍姑娘看到黃婉曼巨肚,她識做說:「派畀你入邊嗰個。」沈卓盈和樂瞳分別賣口乖,伍姑娘笑問:「你兩個邊個大、邊個細?」伍姑娘贒着低胸的樂瞳說:「派身材你先。」伍姑娘轉身派利是給沈卓盈:「年紀細係你。」伍姑娘又搞笑問陸詩韻:「我懷疑你結咗婚。」陸詩韻笑着回應只是太多緋聞。

爽手派利是的伍姑娘幽默說:「我派嘅利是,講明先係意頭,就算入面寫住『身體健康』,你哋都要接受。我同舊公司一樣,10蚊封利是,係咪差唔多?」眾女面面相覷,伍姑娘再說:「冇人敢答,哈,我講亞洲電視啫,唔係『之之之』呀。」伍姑娘發現身邊剛離巢的沈卓盈一臉尷尬,她揶揄:「佢(沈卓盈)好明顯好驚,原來最笠水係佢。」六女不停「吹水」,氣氛熱鬧。



陸詩韻被指「已結婚」,她笑自己只是多緋聞。

陸詩韻被指「已結婚」,她笑自己只是多緋聞。
樂瞳向網上平台發展,錢和機會都多了。

樂瞳向網上平台發展,錢和機會都多了。

伍姑娘最掂

離巢六女看到枱上的撈起、蝦球、金蠔、烤雞、星斑球、叉燒、炒飯和大煎堆,有魚有肉即食指大動。她們最雀躍舉筷玩「撈起」,她們邊撈邊說:「豬年要越撈越旺。」其實計埋黃婉曼肚中陀的豬女,她們算是賀年版「七公主」。講到豬年大計,靚女們各有大計,離開無綫六年的伍姑娘被公認撈得最掂,近年她走勻各大電視台,也有北上拍劇,近日又接拍了ViuTV新劇,伍姑娘先說:「以前以為大樹好遮蔭,原來出去闖吓,同唔同單位合作先係好嘅,有新鮮感,唔會拍嚟拍去都係見到相同對手。我鍾意跟唔同平台合作,收入比以前好咗。」伍姑娘也贈言剛離開無綫的小師妹沈卓盈:「我覺得佢係『非池中物』,我有留意佢,佢一路有進步。佢好勤力,捉唔住,希望佢出到去越撈越掂。」

沈卓盈去年底約滿無綫,告別工作了16年的娘家,回復自由身的她,事業再起步,獲男友默默支持,臉泛光彩的她今年大有機會紅鸞星動,同時結婚生仔?沈卓盈衝口而出:「我想兩樣一齊,向住呢個方向。」伍姑娘即祝她「三喜臨門」,包括事業都有好發展。

已離開無綫九年的陸詩韻,近年經營護膚品生意,她說:「有人話每十年會有嘢發生,我向來好謹慎,我覺得呢一年會越嚟越好。」同樣離巢九年的黃婉曼也說:「我當時離開係因為冇乜安全感,我就撤退,我呢幾年有去學整麵包,2019年會開新麵包舖。」



開年飯的蜜餞金蠔脆米和瑤柱蛋白炒養生米(右圖)既好意頭又有營養。

開年飯的蜜餞金蠔脆米和瑤柱蛋白炒養生米(右圖)既好意頭又有營養。
瑤柱蛋白炒養生米

瑤柱蛋白炒養生米

樂瞳學投資

樂瞳離開無綫一年多,自由身的她搏命接工作,荷包大進賬:「跳咗出去,我做咗好多網上嘢,拍多咗飲食旅遊嘢。新一年我準備學吓投資,增值自己。」思欣去年也入股娛樂公司,升呢老闆娘,她說:「我離開無綫都六年,呢段時間見識多咗。」

撰文:比華利

攝影:林德雄

場地提供:大官廳




鍾意就快D Share啦!