掃呢頁CODE去手機

2019年3月5日 星期二

盧惠光20歲大仔泰片擔正睇得唔打得 __,盧惠光,

Jacky與Stephanie演兩小無猜小情人。
盧惠光20歲大仔泰片擔正睇得唔打得曾經是80年代拳王的動作演員盧惠光,其20歲長子盧俊諺(Jacky)卻未有「繼承」父業,不演動作戲,反而拍愛情片,最 ...


盧惠光20歲大仔泰片擔正睇得唔打得

曾經是80年代拳王的動作演員盧惠光,其20歲長子盧俊諺(Jacky)卻未有「繼承」父業,不演動作戲,反而拍愛情片,最近參演一部泰國青春校園電影,只與小女生談談情,怎料一個孭女友行樓梯鏡頭,竟令Jacky扭傷腰背,更要父親帶他睇跌打。

59歲的盧惠光有子初長成,他於1998年與亞姐黎淑賢所生的長子盧俊諺,如今已20歲,3年前到英國留學,憑高大身形及俊朗外表,被電影老闆看中,於一部泰國校園電影《The One You Love》演男主角。雖然有個打得的父親,但Jacky的演出卻是文質彬彬的學生王子,片中與女生Stephanie合演學生情侶。此片在泰國、香港及英國三地取景,劇組日前在香港中環蘇豪區拍攝,一場小情侶孭住行樓梯的浪漫鏡頭,過程看似輕鬆,但幾Take後,Jacky卻扭傷腰背,見他手撐後腰,狀甚痛苦,他說:「因為之前踢波傷過,呢個係舊患,今次再傷,都要叫阿爸帶我去睇跌打!」

唔使繼承衣鉢

此片純如蒸餾水,沒有激情及親吻場面,對全無演戲經驗的Jacky而言,總算駕馭得來,但身為拳王兒子,不少人對他都有期望,但原來他沒有「功夫底」,亦從未想過像父親一樣,在大銀幕上拳打腳踢,不過,Jacky高大有型,要是在娛圈發展,也不愁出路。至於盧惠光亦沒有給予壓力要求兒子繼承衣鉢,他說:「開戲嘅朋友識咗好耐,佢睇住Jacky長大,又幫佢安排英國讀書,今次佢話開戲,想搵我個仔演出,我見角色係男主角,咪畀佢試吓拍戲係點囉!當係還個朋友嘅人情債啦,當然係讀書為先!(唔係演你擅長嘅功夫片會失望?)唔會,佢拍學生片仲好做番自己!其實我都唔係好想佢入行!」

Jacky孭Stephanie上樓梯時甚吃力。
  • Jacky孭Stephanie上樓梯時甚吃力。
孭女扭傷腰<br>Jacky以手撐住腰部,狀甚痛苦。

  • 孭女扭傷腰

    Jacky以手撐住腰部,狀甚痛苦。
Jacky請假返港拍戲,與父親盧惠光難得相聚。

  • Jacky請假返港拍戲,與父親盧惠光難得相聚。
黎淑賢希望兒子以學業為重,現階段不鼓勵他入行。

  • 黎淑賢希望兒子以學業為重,現階段不鼓勵他入行。

怕辛苦揀文戲

懂事的Jacky雖然有機會拍戲入娛樂圈,但他仍以完成學業為大前提,今次只是請假兩星期拍戲,他受訪時稱是玩票性質:「今次都係玩吓啫!(緊張?)點都係第一次,會有啲緊張,講英文對白都有啲難度!(對拍戲了解?)細個成日跟爸爸去片場睇拍戲,大概知係點!(但你唔拍功夫片?)我鍾意睇功夫片,細個亦有學過吓武術。(兩樣揀鍾意邊樣?)拍文戲好啲,冇咁辛苦!」

剛過20歲生日的Jacky依然怕醜,對自己的樣貌亦未有很大信心,問今次當男主角,可覺是樣貌取勝?他笑言:「自己讚自己唔係咁好。(畀自己幾多分?)6、70分(欠啲咩?)爭啲成熟感(父母贊成入行?)佢哋都有教我,喺演藝圈,最重要係心態正面,一定有人鍾意或有人唔鍾意,唔使理人點睇!」






鍾意就快D Share啦!