歌手王梓軒早前喺銅鑼灣街頭當住數百人大聲呼喊：「思貝，喺呢個突然寒冷嘅日子，我嚟到你指定嘅地點，銅鑼灣呢個交界，準備吶喊、大聲嗌出我最愛嘅嘢係乜嘢呢？我依家唔講住，因為我想畀一個驚喜你。」之後梓軒就滔滔不絕話：「我愛蔡思貝（Sisley），I love you Sisley！思貝我鍾意你感性得嚟又爽朗，怕醜得嚟又豪邁，傻得嚟又好有智慧，嗲得嚟又好夠兄弟，好對唔住！你生日我唔能夠同你慶祝，我想借呢個機會同現場嘅朋友唱首生日歌你聽。」
梓軒大膽表白，其實是接受蔡思貝的Challenge，思貝聽過梓軒嘅新歌《邊緣引力》後，覺得好好聽而且歌詞好有意思，思貝話：「喺漆黑中唔好氣餒，要愛得有勇氣，所以我嘅Challenge就請你喺銅鑼灣人來人往嘅馬路十字路口中間，好大聲咁向全世界宣布，你至愛係乜嘢？」對於思貝嘅Challenge，梓軒冇畏懼，更趁不用排練舞台劇時立即「迎戰」！
梓軒話：「諗諗吓大家咁老友，不如玩大啲咁我又連續兩年Miss咗同佢慶祝生日，不如借呢個機會當眾去歌頌佢，原來玩咁大真係會淆底，因為一來都有少少驚人哋誤會，亦都驚Sisley本人誤會，二來又真係冇前文後理企咗出去大庭廣眾開咪咁講，我Busking都冇咁驚，就咁講真係有啲驚，現場有同事打氣支持，我都係要等紅綠燈，一綠燈多啲人過嚟我先講呀！好彩有拍外景嘅經驗，最後都克服咗，最希望Sisley睇到個挑戰，咁有創意、咁有誠意，佢會開心（係咪一Take過呢？)」係呀！呢啲Take唔到第二次。」
來源 source: http://hk.on.cc
|
鍾意就快D Share啦！
|
|
|
