掃呢頁CODE去手機

2019年3月6日 星期三

歐聯:【賽前預測】十件缺陣 曼聯歐聯點排陣? __,曼聯,

歐聯16強次回合大戰,曼聯作客巴黎聖日耳門,紅魔鬼將力圖創造奇迹殺入8強。首回合PSG於奧脫福技術性擊倒曼聯,但領隊蘇斯克查永不言敗,認為曼聯係支神奇 ...


歐聯16強次回合大戰,曼聯作客巴黎聖日耳門,紅魔鬼將力圖創造奇迹殺入8強。首回合PSG於奧脫福技術性擊倒曼聯,但領隊蘇斯克查永不言敗,認為曼聯係支神奇球隊,收復落後2球失地並非冇可能。但數據顯示,歐聯淘汰圈中邊隊首回合主場落敗2球或以上,對上34次都未能扭轉敗局。但阿積士首回合落敗,次回合都可以大數皇馬出線,足球場上乜都有可能發生。

保羅普巴首回合領紅今停賽,阿歷斯上仗英超又傷十字韌帶,聯同達美安、菲爾鍾斯、路爾斯華倫西亞、尼曼查馬迪、桑馬達、連格、安達靴里拉、安東尼馬迪爾齊齊唔出得,十名大將揀唔到,蘇B今戰會點排陣?

門將同一條4人後防線,將會係迪基亞、勞基梳爾、域陀連迪路夫、基斯史摩寧同艾舒利楊格,呢個係正路選擇。中場方面,今季新加盟嘅巴西球星費特洛迪古斯將會被委以重任,小將麥湯米尼,以及鬥修咸頓時射入一球世界波嘅安達斯彭利拿,會組成一條三人中場線。因為A山受傷,上仗入替佢嘅葡萄牙後生仔達洛治會被推前打右翼,拉舒福特將會於左路發難,而近2場入4球嘅盧卡古,就會於箭頭位置出現。

曼聯預計陣容:

門將:迪基亞

後衞:艾舒利楊格、域陀連迪路夫、基斯史摩寧、勞基梳爾

防中:麥湯米尼

攻中:費特洛迪古斯、安達斯彭利拿

前鋒:達洛治、盧卡古、拉舒福特

支持本地運動齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!