掃呢頁CODE去手機

2019年3月21日 星期四

張繼聰 謝安琪停工陪玩冧公主 __,張繼聰,謝安琪,

單手抱女Man爆的張繼聰與謝安琪,昨日到平民親子餐廳為囡囡提早慶生搞Party。
張繼聰謝安琪停工陪玩冧公主歌手謝安琪與老公張繼聰育有一對子女,對女兒張靖寵愛有加的二人,昨日特地停工為囡囡預祝兩歲生日。兩公婆更極為貼地,揀選了大眾化 ...


張繼聰 謝安琪停工陪玩冧公主

歌手謝安琪與老公張繼聰育有一對子女,對女兒張靖寵愛有加的二人,昨日特地停工為囡囡預祝兩歲生日。兩公婆更極為貼地,揀選了大眾化的親子餐廳開生日派對,囡囡全程興奮得跳跳紮,阿聰更龍友上身,不停影寫真。

謝安琪(Kay)與張繼聰是圈中模範夫婦,早年Kay誕下兒子張瞻後,前年又添了一名女兒張靖(Karina),成功湊好字。一家四口不時出巡享天倫,幸福滿瀉。

兩公婆一直視女兒如小公主般看待,去年舉家往主題公園慶祝一歲生日,而後天便是Karina的兩歲生辰,兩人當然愛女大過天,昨日雙雙停工,全天候服侍壽星女。貼地的二人今年選擇了沙田一間平民化的親子主題餐廳,花費約七千多元包了一間30人的派對房,為女兒「大宴親朋」預早慶祝。

波波池打鞦韆

昨日下午二時許,阿聰化身大力爸單手抱着女兒,與張母及家傭先行到餐廳打點,約十分鐘後Kay才與母親雙雙到場。發現記者的她一臉愕然,更一度掩面不欲上鏡,匆匆步入餐廳會合老公。一家三口之後便往波波池玩耍,紮上小辮仔的Karina穿上粉紅色外套,極為可愛。一臉興奮的她不時四圍跑,並由家傭抱上大波波打鞦韆,Kay與阿聰未幾亦步入池內與囡囡玩埋一份。

「角色扮演」交足戲

愛女心切的阿聰頻頻拿出手機為囡囡拍照,龍友上身寸步不離,轉頭又與「前世情人」去玩具超市扮濕平。Karina拿着購物籃掃下不少食物,又與附近一名小男孩齊齊玩,Kay亦前來與囡囡「角色扮演」,精靈的Karina扮收銀員為媽咪收錢時,在旁的阿聰見囡囡如此趣致亦忍不住邊拍片邊笑,場面溫馨。

謝安琪
  • 謝安琪
精靈收銀<br>張靖化身收銀員幫濕平完畢的媽咪「嘟機」,而張繼聰就充當攝記負責拍片。

  • 精靈收銀

    張靖化身收銀員幫濕平完畢的媽咪「嘟機」,而張繼聰就充當攝記負責拍片。
瘋狂濕平<br>張靖與小朋友在「超市」狂掃貨。

  • 瘋狂濕平

    張靖與小朋友在「超市」狂掃貨。

阿聰及後接受本報訪問,對於夫婦停工為囡囡慶生,他說:「係呀,幫囡囡搞個生日會玩吓,係提早慶祝,因為我哋一個好朋友嘅小朋友,同我個女由細玩到大,佢哋差一日出世,所以今日咪一齊搞生日會,仲訂咗個好得意嘅米奇老鼠蛋糕。」至於正日生日,他說:「都會一家人食吓飯。(送乜禮物畀個女?)佢仲細,冇特別買乜畀佢,多啲時間陪佢哋已經係最好嘅禮物。其實都好開心,因為本身要離開香港工作,新戲上要去內地宣傳,咁啱呢個禮拜阿囡生日仲可以喺香港,我覺得最開心都係同小朋友一齊。」

貼身服侍<br>張靖表情多多,相當可愛。

  • 貼身服侍

    張靖表情多多,相當可愛。
阿聰與Kay入埋波波池陪囡囡一齊玩。

  • 阿聰與Kay入埋波波池陪囡囡一齊玩。
放電至啱<br>張靖坐上大波波打鞦韆,玩到樂而忘返。

  • 放電至啱

    張靖坐上大波波打鞦韆,玩到樂而忘返。

他更透露早前因拍戲要練大隻,下星期又要開始減磅:「終於可以收身,要食番好清淡,做番啲帶氧運動,依家體重係我人生中最重,由140幾磅到依家190幾磅。」






鍾意就快D Share啦!