何超盈個未婚夫辛奇隆（Thomas）真係唔話得，趁學校放假，立即喺美國飛嚟香港陪超盈同肚入面嘅BB，之後日日好似連體嬰咁黐到實，仲不時出街行孖咇放閃，真係好難發現唔到佢哋囉。
今日下午大約3點左右，《壹》仔就撞到佢兩個歎下午茶，飲飽食醉再去shopping。雖則Thomas細超盈7年，但二十出頭嘅佢真係好識do，求婚戒指已經唔細粒成4、5卡，但呢日行過首飾店，佢二話不說同超盈入去再買過。
超盈一連睇咗幾款，期間有啲皺眉，似乎煩惱緊買邊款，心大心細揀唔落手。雖則佢哋背住鏡睇唔清，但根據動作斷估，最後好似一連擺咗幾盒嘢入袋，唔通Thomas愛妻愛得大手筆，見超盈揀唔落手就包起晒佢？都啱嘅，有乜緊要得過見到超盈開心，你睇佢嘟嘴扮「蘑菇」，實際上勁冧咁同Thomas打情罵俏，就知道幾隻戒指絕對值得！
除咗大手筆，亦睇得出Thomas份人好細心，起身離開店舖嗰時，會伸出手扶粗身大細嘅超盈起身，而超盈亦都小鳥依人繞住對方手臂，睇落真係好sweet！
來源 source: http://nextplus.nextmedia.com
|
鍾意就快D Share啦！
|
|
|
