掃呢頁CODE去手機

2019年3月17日 星期日

【呃完師奶呃港女】賤男扮法律生溝女再苛索借錢 作故仔話表姑姐逼佢上床 __,港女,賤男,

男女間的關係,如果涉及到瞞騙欺詐,這段感情,猶如一個騙局……..「他報稱在香港大學法律系畢業,屋企掛上法律系證書,又話自己家境富裕,例如會去五星級酒店 ...




男女間的關係,如果涉及到瞞騙欺詐,這段感情,猶如一個騙局……..

「他報稱在香港大學法律系畢業,屋企掛上法律系證書,又話自己家境富裕,例如會去五星級酒店吃飯,公司開會地點在獅子會進行,營造富二代身份。」30歲的Kathy,跟賴x榮(洋名Klose,34歲)相識10年,二人在17年再次在友人飯局中重遇,之後拍拖。

Kathy大學畢業後,事業發展順利,跟家人由公屋搬到私人屋苑,她直覺男友Klose變得勢利,「佢會查問我幾錢人工,我無隱瞞,告訴他一切;我留意到他好積極想知,但無為意他往後的企圖,我係一個簡單女生,只想有人愛錫。」

「拍拖全部同金錢有關,佢試探我存款有幾多,知道我有幾架車,就不停上車網同帶我去車場睇名車,叫我畀80萬買架08年法拉利;又話有筍盤放售,原本開價500萬單位,因業主急放減至390萬,但佢啲現金放晒喺股票,想全數繳付,話仲欠2百萬元;又成日突然話要轉帳畀人,而每一次幫佢過數後,都無提及要還錢畀我。」

由於Kathy對置業和買車均無動於衷,結果Klose最終更聲稱,表姑姐要迫他上床,倫亂關係讓Kathy嚇破膽。

「佢話欠下表姑姐30幾萬,由於對方快將離港,不停追佢還錢,如無錢還,姑姐要佢陪上床。」男方愈說愈激動,聲線變低沉,咬著唇,淚水幾乎要奪眶而出。「佢話唔想咁樣,否則今世就玩完,我反問親戚咁做會亂倫,建議佢要跟家人說或者報警,佢話唔得,只要我幫手還錢。」

Kathy最終心軟替男友代還款22萬,回家後愈想愈不對路,終忍不住發短訊求證表姑姐,「我問佢有無迫上床,表姑姐有點激動,終於和盤托出。」Kathy憶起被騙情景更掉下淚來,原來表姑姐並非親戚,跟Klose在天水圍慧景軒居住在同一座,二人在2015年透過微信交友程式發展婚外情,姑姑以投資移民身份從內地到港,與夫育有一名9歲兒子,家境不錯。

代還錢後,Klose突然消失,「我幫你還錢,你連一句交待都無?最激氣係原本要我拿30幾萬現金,但最後原來只係欠對方22萬,咁即係佢連10幾萬都想中飽私囊,實在太恐怖。」如夢初醒過後,女方終成功向男方父母追回有關款項。

「他吹噓自己住元朗尚城豪宅,扮有錢人過著上等生活,直到我參觀,其實係幾戶人分租的劏房,分租單位約6000元,佢用盡方法畀你覺得佢可以依靠,實質係騙財。依家發現成件事好污穢,又複雜,真係好難接受。佢好無恥下流,唔識得寫個醜字。」她慨嘆付出感情和時間,錯愛負心漢,帶來難以磨滅的傷害。

前日,記者在荔枝角某工廈找到Klose,自稱港大法律系的他,原來在製衣廠做運輸。

他直認跟姑姑在網上認識,並非親戚。之後,他又死撐稱被「表姑姐」威迫借種生子。「我之前財政管理不善,有急事問她借錢,因為對方已婚,但佢想離婚,想同我借種生子,佢話擔心個仔要到澳洲,無伴侶,叫我在兒子18歲之前都要定期探望佢哋,我覺得很複雜,我唔想失去自由。」他否認跟姑姑是情侶關係,卻直認二人有性交往。

他指現時有一拍拖數月的女友,關係不錯,亦堅稱家人已還錢給Kathy,父母因此非常生氣,亦否認跟Kathy曾是戀人關係,「實質上並唔係事主所想的男女關係,我真係無同佢講過我愛你,我覺得不應該再咁落去,所以先叫事主借錢代還款。」

至於是否港大法律系畢業,他搖頭否認,承認因為自卑而虛報學歷,欺騙女方。之後,他又忽然向記者爆喊,「我已經還清晒錢畀佢,唔知點解佢要咁做。」

男女感情事,各有各的說法,但騙取別人金錢,怎樣說也不對。

採訪:艾馬

攝影:鄭樹清、田俊


鍾意就快D Share啦!