余德丞喺《福爾摩師奶》真係好多戲份，昨晚（3月5日）一集，前後加埋幾乎佔咗一節15分鐘，但表現如何真係見仁見智。好在無綫早有安排，Madam Lo做佢阿媽，又有陳瀅同江嘉敏兩小花傍住，幫余德丞孭飛戲份增加返唔少可觀性。
其實，除咗有可靠幫手，余德丞都有吸睛殺手鐧嘅，就係晒出佢副fit到漏嘅body，特別係42吋巨胸，結實有線條，真係好鬼正！不過，套劇係余德丞昏迷入院之前拍落嘅，死過翻生之後巨胸都應該縮咗水，怕且想再睇到咁養眼嘅余德丞，都要俾啲時間佢慢慢操返起至得喇。
話時話，余德丞除衫呢幕，隻狗狗都好搶鏡，睇住佢跑跑跳跳游埋水都幾過癮。不過無知一問，劇情話隻狗根據氣味，聞到余德丞失落嘅物品喺海入面，乜狗個鼻靈到可以分辨水中氣味？
來源 source: http://nextplus.nextmedia.com
|
鍾意就快D Share啦！
|
|
|
