掃呢頁CODE去手機

2019年3月4日 星期一

意甲:【有片】C朗又插水?係忠係奸等你評理 __,C朗,基斯坦奴朗拿度,

即睇C朗疑似插水:https://bit.ly/2C2ANi9 意甲今晨上演榜首大戰,最後祖雲達斯作客贏拿玻里2比1,拉開到16分差距,要意甲8連冠睇 ...


即睇C朗疑似插水:https://bit.ly/2C2ANi9 

意甲今晨上演榜首大戰,最後祖雲達斯作客贏拿玻里2比1,拉開到16分差距,要意甲8連冠睇怕冇乜懸念。不過,今場波「斑馬軍團」贏波關鍵,當然係開賽26分鐘,佢哋首席球星C朗拿度單刀殺入禁區,畀拿玻里門將阿歷斯美列特踢跌,後者即刻紅牌被逐離場,然後轉頭「祖記」仲要入埋靚罰球,為勝局鋪路。不過,事後從慢鏡睇,唔少球迷都質疑C朗係「插水」,拿玻里將帥更加係齊齊開口質詢C朗,至於C朗係咪堅出蠱惑,就要等大家睇片評一評理喇!

對於C朗呢次疑似「插水」,拿玻里中堅馬克斯莫域就話:「唔知點解每次對親祖雲達斯,都總會有事發生。我哋控制住比賽形勢,但就會因為少少錯誤輸波。其實就算美列特本人都唔確定係咪有掂到C朗。」就連一向見慣大場面嘅拿玻里主帥安察洛堤都講:「呢面紅牌梗有爭議,美列特明顯冇剷到C朗。其實既然引進咗VAR(視像助理球證系統),點解唔即刻睇片呢?呢個根本唔係紅牌,因為C朗都失去對個波嘅控制,皮球『碌』緊去角球旗呀!呢面紅牌改變咗場波。」

不過正所謂波已贏、3分已袋,「祖記」主帥阿里基梗係懶得理,佢回應:「無論美列特有冇踢到C朗,佢都應該被逐球證同VAR(編按:有咩?)都做咗決定,球證吹得好好呀!」阿里基今次大講風涼話,唔知各位C朗躉同反C朗球迷又點睇呢?

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!