青年新政游蕙禎因宣誓風波而被取消立法會議員資格，曝光率已經大幅減少，但無咗議員身份後繼續活躍於網絡，一舉一動仍有唔少網民關注。好似佢今日(29日)就喺Facebook上大曬三點式泳照，短短一個鐘已經吸咗4位數字嘅Like喇。
相中嘅游蕙禎着住白色嘅三點式泳衣，瞓喺吹氣水泡上，再舉起右腳曬腿影相，認真識擺甫士。不過，佢就話張相係資料圖片，攝於幾個月前，但計落都算係近照嚟嘅。
佢話濕焗天氣下好想落泳池浸全日，但自己已經十幾年無去過公眾泳池，因為出現過泳池發現糞便嘅事件而覺得污糟喎，而且人太多分分鐘會踢到隔離婆婆咁話。
性感泳照一上載已經吸引唔少Like同留言，有網友就話佢個樣唔同咗，游蕙禎就話應該關無化妝事喎，到底呢個係讚美定貶義呢？
來源 source: http://hk.on.cc
|
鍾意就快D Share啦！
|
|
|
