2019年4月30日 星期二

【逐點反駁阿澤】程美段公開「喱騷要員豪仔」錄音 1月時曾承諾:一個禮拜出糧 __,杜汶澤,程美段,阿澤,

杜汶澤今日在facebook再為「拖糧」一事解釋:「我可以負責任的說,三個月雖然不算早,但在行業當中,絕對不算遲。」不過事件中另一主角程美段,顯然不同 ...


杜汶澤今日在facebook再為「拖糧」一事解釋:「我可以負責任的說,三個月雖然不算早,但在行業當中,絕對不算遲。」不過事件中另一主角程美段,顯然不同意阿澤說法,晚上再在facebook出文狙擊,她說:「就今日杜汶澤先生再發文一事,當中有提到『從來沒有承諾出糧時間』一句,直接關係到我。」程美段歸納出一個觀點:「最後推論都係返到去我博見報,所以雖然一直有錄音做證,但都唔想事件再發酵而拎出嚟,但而家杜先生一口咬定『從來沒有承諾』,我選擇公開錄音,至少還自己一個公道。」

相關新聞:【稱三個月唔算遲】杜汶澤為「拖糧」再爆Seed 不滿程美段向傳媒篤背脊



該段WhatsApp錄音對話顯示日期為1月20日,程美段問到阿澤網台員工豪仔:「想問番,之前Anthoy同你傾,我唔知佢同你傾個payment係點,即係傾咗多,同埋點樣樣出?」豪仔答:「最初時傾當$1,500一組,當然可能係underate咗,但大家都想合作,所以6組就$9,000,應該拍完之後,我諗一個禮拜就可以出糧,咁樣有冇問題?」程美段再以文字覆述出糧細節,亦獲對方答:「Yes」。



程美段指自己入行資歷淺,但每次傾好合作酬勞自己都會按時跟進,又深信山水有相逢,希望「遲吓大把合作」成真,價錢合理便可,故最初相信豪仔口頭承諾一星期出糧,未料最後要到三個月後才找數,她又謂:「二號人物都忙碌到對我十日內只得一個訊息回覆,一間公司到底邊個簽名同幾時出票,最後決定嘅人會係邊個?基於呢幾個疑問,我選擇唔直接搵杜生。」



對於阿澤指「將事件向傳媒透露而不是找資方」,程美段又展示出與記者溝通的對話內容,對方稱知道事件已解決,未必會報道「拖糧」一事,之後阿澤在facebook率先開火。



程美段又再提到阿澤有意簽她成為藝人,她說:「要拎一個有意簽我嘅當紅大明星嚟博上報,呢個邏輯我實在唔可以理解。而且杜生喺連登一向有唔少粉絲,孔子同亞里士多德都曾經講過,『誰大誰惡誰正確』,為咗上一次報紙,我需要大費周章到呢個地步?本來揮筆一簽就可以做到嘅事,我點解要冒險同網民為敵?」她最後又強調:「並唔係大明星搵記者就合理,我哋呢亭奀星搵記者就十惡不赦,於理不合。杜生自比『威風八面』,而我都只求『自食其力』。」



《MCU寶石《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI





程美段又反駁阿澤「三個月雖然不算早,絕對不算遲。」的說法。 程美段又反駁阿澤「三個月雖然不算早,絕對不算遲。」的說法。
程美段公開一段1月時與喱騷要員豪仔對話,對方指一個禮拜會過數。

程美段公開一段1月時與喱騷要員豪仔對話,對方指一個禮拜會過數。

鍾意就快D Share啦!
Related Posts Plugin for WordPress, Blogger...