掃呢頁CODE去手機

2019年4月22日 星期一

【娛樂人物】澄清未到70歲 潮人拍新嘢陳曼娜唔返無綫 「流水作業做唔到」 __,無綫,陳曼娜,

陳曼娜離開無綫多年,不過她拒絕流水作業工作,不考慮回巢之餘,更喜歡嘗試新劇集拍攝模式。
陳曼娜離開無綫多年,不過她拒絕流水作業工作,不考慮回巢之餘,更喜歡嘗試新劇集拍攝模式。資深演員陳曼娜曾效力無綫逾20年,但她自11年轉投港視,拍過三部 ...


資深演員陳曼娜曾效力無綫逾20年,但她自11年轉投港視,拍過三部劇集後卻鮮有再拍劇。不過,陳曼娜近日就與麥子樂及組合Super Girls成員李靜儀(Heidi)拍新嘢,參演編劇鮑偉聰打造的每集5分鐘的單元網劇,劇中更要飾演一名新潮奶奶。陳曼娜早前接受《蘋果》專訪,她表示不喜歡流水作業,所以不考慮重返無綫。她更把握機會澄清自己仍未有70歲。

採訪:張俊銘

攝影:仇志德

相關新聞:入行逾40年主要作品

陳曼娜日前在觀塘為新網劇《如何對付我的港女新抱》進行拍攝,她在劇中飾演惡奶奶,麥子樂飾演其子,李靜儀飾演其新抱。陳曼娜接受《蘋果》專訪時說:「齣劇講我點同新抱相處,呢個時代婆媳都有好多拗撬,我係一個又潮、又辣嘅奶奶。我唔係野蠻奶奶,只係有頭腦、新潮,講我如何同新抱相處。」



揀好劇本拍

離開無綫逾7年的陳曼娜,對於自己少了在幕前演出,她表示是不想自己太辛苦:「健康緊要啲,我已經拍咗幾十年戲,我唔慣以前做無綫時,日以繼夜、捱更抵夜嘅工作我做唔到,我接一啲自己鍾意嘅劇,會畀時間我休息,唔會24小時工作。」她強調不是不拍劇,只是會選擇來拍:「我會接啲劇本製作認真嘅劇,最近都做完ViuTV劉美君做監製嘅電視劇。」

陳曼娜拒絕重返無綫,她說:「唔會考慮返TVB,我應付唔到佢哋模式顛倒日夜,唔想令到自己身體有損害,要享受人生,自己唔需要考慮產量,以前我好在乎,現在每日活在當下,享受每日吃喝玩樂,同朋友跳舞、旅行,同家人相處。拍嘢一定要有休息時間,充足精神,要有時間讀劇本,流水作業我做唔到,以前冇得揀。」她透露希望多點新嘗試:「好似拍電影《P風暴》,黃百鳴係我好朋友,可以畀我新嘗試,拍戲好舒服,拍得靚啲,網劇製作都認真,劇本好緊要。」

相關新聞:【蘋聞重溫】為女辦700萬嫁妝



陳曼娜(左)11年憑劇集《團圓》,獲得萬千星輝頒獎典禮最佳女配角提名。劇照 陳曼娜(左)11年憑劇集《團圓》,獲得萬千星輝頒獎典禮最佳女配角提名。劇照
陳曼娜近日參演由劉美君監製兼演出的ViuTV劇集《好人好姐》。互聯網圖片

陳曼娜近日參演由劉美君監製兼演出的ViuTV劇集《好人好姐》。互聯網圖片
陳曼娜笑說自己實際年齡被報大數,至今仍未到70歲。

陳曼娜笑說自己實際年齡被報大數,至今仍未到70歲。

湊孫萬事足

陳曼娜育有一子一女,女兒鄭祖兒前年產女,陳曼娜透露孫女現在1歲多,每天返playgroup學習群體生活。現時湊孫為樂的陳曼娜說:「有時放假,我去幫手睇個孫,我成日都去睇個孫,因為我好掛住佢。」雖已榮升祖母級,但陳曼娜笑指實際年齡卻不是網上媒體所說的年齡,她說:「早幾年寫我70多歲,其實我𠵱家都未到,又將我同一些資歷深嘅藝人相比,以年齡將我排第一,有朋友幫我上網更正番,但之後又被人改番大幾年。雖然我唔係年輕,但我仍未到70。」

離婚多年的陳曼娜,近年感情也是一片空白,但她表示享受單身生活:「可能我結過婚,一朝被蛇咬,令我好驚,我喜歡瀟灑自在,想去邊玩唔需要同人交代,唔需要牽掛一個人,唔想人哋掛我,我覺得好大壓力,我𠵱家最掛住我個孫,我好享受,見到個孫比見到錢更開心。」



陳曼娜(中)女兒鄭祖兒兩年前產女,陳曼娜近年以湊孫為樂。資料圖片

陳曼娜(中)女兒鄭祖兒兩年前產女,陳曼娜近年以湊孫為樂。資料圖片
70年代參演電視劇,陳曼娜就被《電視日報》選為十大最受歡迎女藝人。資料圖片

70年代參演電視劇,陳曼娜就被《電視日報》選為十大最受歡迎女藝人。資料圖片
圈中出名熱愛跳拉丁舞的陳曼娜,曾與謝天華合作為演藝人協會演出。資料圖片

圈中出名熱愛跳拉丁舞的陳曼娜,曾與謝天華合作為演藝人協會演出。資料圖片

鍾意就快D Share啦!