掃呢頁CODE去手機

2019年4月22日 星期一

【最掛住粒孫】寧願活在當下享受人生 陳曼娜向顛倒日夜模式Say No __,陳曼娜,

攝影:仇志德
資深編劇鮑偉聰曾為《壹號皇庭》第1至3輯、《笑看風雲》及《天地豪情》等經典劇擔任編審,最近他牽頭製作的極短單元網劇即將推出,頭炮有陳曼娜(Manna) ...


資深編劇鮑偉聰曾為《壹號皇庭》第1至3輯、《笑看風雲》及《天地豪情》等經典劇擔任編審,最近他牽頭製作的極短單元網劇即將推出,頭炮有陳曼娜(Manna)、麥子樂、Super Girls的李靜儀(Heidi)主演的《如何對付我的港女新抱》,之後有潘燦良等好戲之人的領銜主演的劇集,將會在網上平台、以每集5分鐘免費播放。



Manna姐日前在觀塘為《如》劇進行拍攝,她在劇中飾演惡奶奶,麥子樂飾演其子,Heidi則飾演其新抱,Manna姐說:「齣劇講我點同新抱相處,呢個時代婆媳都有好多拗撬,我係一個又潮又辣嘅奶奶。我唔係野蠻奶奶,只係有頭腦、新潮,講我點樣同新抱相處。」對於有否與女兒鄭祖兒分享如何與奶奶相處,Manna姐說:「我個女好叻,比我仲叻,佢好識對老公家人。」



《如》劇是由舞台劇改編而成的短片網劇,由鮑偉聰擔任監製,預計4月於facebook及YouTube上播映,該劇分4集,4個不同單元,生活化的內容,每集約5分鐘。Manna姐離開TVB約6、7年,產量較少,Manna姐說:「我而家享受人生,我係唔會做咁多辛苦工作,健康緊要啲,我已經拍咗幾十年戲,我唔慣以前做無綫時,日以繼夜、捱更抵夜嘅工作我做唔到,我接一啲自己鍾意嘅劇,會畀時間我休息,唔會24小時工作,我會接啲劇本製作認真嘅劇,最近都做完ViuTV劉美君做監製的電視劇。」



問到她會否考慮返TVB,Manna姐明言:「唔會,我應付唔到佢哋模式顛倒日夜,唔想令到自己身體有損害,要享受人生,自己唔需要考慮產量,以前我好在乎,而家每日活在當下,享受每日吃喝玩樂,同朋友跳舞、旅行,同家人相處。拍嘢一定要有休息時間,充足精神,要有時間讀劇本,流水作業我做唔到,以前冇得揀。」



Manna姐又提到自己拍攝電影《P風暴》時,有新嘗試又拍得舒服,她說:「黃百鳴係我好朋友,可以畀我新嘗試,拍戲好舒服,拍得靚啲,網劇製作都認真,劇本好緊要。」



對於感情空白的Manna姐表示,現在享受自由生活,她說:「可能我結過婚,一朝被蛇咬,令我好驚,我喜歡瀟灑自在,想去邊玩唔需要同人交代,唔需要牽掛一個人,唔想人哋掛我,我覺得好大壓力,我而家最開心掛我個孫,我好享受,見到個孫比見到錢更開心。」Manna姐透露,孫女現在1歲8個月,每天返playgroup學習群體生活,Manna姐說:「而家好多嘢講,唔驚人,慣咗群體生活,好醒目啲,阿女日日車佢返學,唔放心司機帶,有時工作放假,我去幫手睇個孫,我成日都去睇個孫,因為我好掛住佢。」



講到半退休生活,陳曼娜笑指網上平台將她年齡報大,她說:「早幾年寫我70多歲,其實我而家都未到,又將我與一些資歷深的藝人相比,以年齡將我排第一,有朋友幫我上網更正番,但之後又被人改回報大幾年,雖然我不是年輕,但我仍未到70。」



【記住63836568】全民爆相爆片!下一個爆料王就係你

https://bit.ly/2Guolu9

-----------------------------

熱定身睇GOT大結局

權力遊戲76頁電子書

幫你極速消化全劇精華

https://bit.ly/2U9OBxz

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



攝影:仇志德  Manna姐現時拍劇不追求產量,希望以質取勝。 Manna姐現時拍劇不追求產量,希望以質取勝。
 Manna姐以往被迫流水作業式工作,現在享受活在當下,拍據都要拍得舒服。

Manna姐以往被迫流水作業式工作,現在享受活在當下,拍據都要拍得舒服。
 Manna姐在劇中與Heidi演婆媳,新潮奶奶大鬥人妻。

Manna姐在劇中與Heidi演婆媳,新潮奶奶大鬥人妻。
 資深編劇鮑偉聰牽頭推出極短單元網劇,每集只約5分鐘!

資深編劇鮑偉聰牽頭推出極短單元網劇,每集只約5分鐘!

鍾意就快D Share啦!