去年政府以市價52折發售、吸引逾27萬份申請的新居屋，包括啟德啟朗苑、長沙灣凱樂苑及東涌裕泰苑，屋苑已陸續入伙，資深驗樓師詹濟南「詹Sir」日前驗收啟朗苑一個成交價約323萬元的低層單位，結果油漆差、12塊空心磚、地台凹凸不平、窗框無落油難推開，更甚的是，啟動熱水爐後，廚房及廁所水龍頭推開熱水掣後竟無水出，3項工種捧蛋，總分僅52分，為詹Sir新居屋驗樓評分新低。
單位外望啟德中央廣場，望正沙中線啟德站，但詹Sir推開窗戶後想關起來，出盡九牛二虎之力才拉得動，相信是窗鉸較得過緊，且無落過潤滑劑，結果全屋所有窗都出現如此難題。不過窗戶玻璃沒有崩花，且窗鉸不銹鋼螺絲襟用，但不排除螺絲日後鬆脫。另外，這類窗戶滲水機會低，因為單位是預製組件，窗戶嵌入石屎層，如果玻璃膠唧得靚，極少機會漏水，除非窗框膠邊硬化或凹陷，而單位沒有這問題。
單位地台沒有自流平批盪，只是極原始的生光地台，多處凹凸不平，閒閒地都可以找到個傾斜度足可攝入2個硬幣。詹Sir表示，居屋地台面基本是結構石屎面，業主普遍自行鋪地板，可選用如瓷磚、木地板或膠地板。如果鋪瓷磚，普遍會先鋪平地台，除非聘用手工極佳師傅，如鋪木或膠地板，視乎地台斜度而決定是否鋪平地台。一般裝修公司報價均會建議業主重鋪地台後才鋪瓷磚，「咁可以賺多筆地台錢，以單位約400方呎計，重鋪地台費用介乎1至2萬元。」
廚房及廁所牆身均鋪設瓷磚，合共發現12塊空心磚。來去水雖然無漏水，但全屋通電，電水爐啟動後，廚房及廁所的水龍頭推開熱水一邊無水出，詹Sir反覆測試後稱：「全屋搵勻都唔見有掣未開，可以講嘅係我來收樓，水掣一邊有水出，另一邊無水出，業主要搵人跟進。」
有別於私樓有15項工種，居屋以12項工種計分，3項捧蛋，包括瓷磚、油漆及來去水，另外地台亦不合格，總分52分，是詹Sir驗收自2014年政府重推新居屋以來，驗樓最低分數，而大部份新居屋交樓評分由60至70分，但比近年私樓得分新低、土瓜灣津匯的22分為高。 他指今次居屋單位得分，「一啲都唔驚訝，預咗業主全屋裝修，好多工人都預咗人哋再做過，唔會擺好多心機做。」
業主張太睇完詹Sir驗樓後反而覺得：「好開心驗到出嚟，始終自己唔識，亦睇唔到……瑕疵或多或少總會有，自己都可以接受。」她不諱言，會花約10至15萬元為單位進行裝修，包括重鋪地台、油牆等等。
與私樓一樣，居屋業主亦可要求執漏。如果業主自行檢查或驗樓後發現有任何問題，應盡快通知屋苑辦事處進行執漏修葺。按現行機制，業主可於收鎖匙當日起計7天內，向房署或承建商要求執漏。
記者：陳家雄
---------------------------
星期一至五晚上10點半
《動腦Q》Let's Q the money！
http://bit.ly/2QW8LcI
| 啟德啟朗苑是詹Sir驗收自2014年政府重推新居屋以來，驗樓最低分數屋苑。 | | |
| | | |
| | | |
| | | |
| |
|
鍾意就快D Share啦！
|
|
|
