- 【靚抽安心偷食】 送師弟楊天宇濕紙巾 杜汶澤 ：偷食記得抹嘴
- 1小時前
噚日許志安死晒狗咁出嚟認偷食，都難逃網民鬧爆。夾都冇咁啱，杜汶澤孖住師弟楊天宇代言的日本健膚品牌UL.OS, 亦都係噚晚舉行記者會，有傳媒問起他對「安心偷食事件」的睇法，阿澤輕輕帶過話同許志安不算熟，跟黃心美較熟落，反而佢對誤中副車嘅蔡一智大為同情。「我覺得蔡一智慘啲，見佢個IG俾人鬧，係咪認錯人呀？可能係蔡一智呢，猛咁話係黃心穎。」
不過一上到台，俾台下觀眾要求佢即席唱廣告歌，阿澤即刻腦筋急轉彎說：「原本有人9月紅館開演唱會（許志安原定演唱會檔期），如果拎到檔期，幾多錢都俾！」
記者會臨結束，阿澤忽然拎品牌嘅潔面紙巾送俾師弟楊天宇，苦口婆心話：「做男人最緊要識得「自己搞定」，偷食都要記得抹嘴！」嘩！嘩！嘩！底線抽擊，準繩度100分，阿澤，呢日靚抽王仲唔係你？！
- 阿澤搞笑話濕紙巾的綠色包裝，好應景。
- 阿澤孖住師弟楊天宇做代言人，順勢唱埋廣告歌一展歌喉。
- keep住有做gym, 阿澤上圍足足有43吋，極有睇頭。
- 有樣、有高度，仲要有身材，楊天宇一度上圍即惹來在場女士們尖叫聲不斷
來源 source: http://nextplus.nextmedia.com
|
鍾意就快D Share啦！
|
|
|
