掃呢頁CODE去手機

2019年4月17日 星期三

【安心偷食】有線講波抽水:惟獨美斯不可取替,降魔安心四強,曼聯只好煞科 __,曼聯,美斯,

「安心偷食」事件,連杜德偉、蔡一智等人躺著也中槍,當事人許志安同黃心穎就梗難逃被瘋狂抽水嘅命運啦,唔只九巴、PlayStation等等,連有線報歐聯八 ...




「安心偷食」事件,連杜德偉、蔡一智等人躺著也中槍,當事人許志安同黃心穎就梗難逃被瘋狂抽水嘅命運啦,唔只九巴、PlayStation等等,連有線報歐聯八強次回合巴塞隆拿對曼聯3:0嘅賽果新聞,都抽水抽唔停,仲要係抽乾溏嘅程度,內容是咁的:

巴塞首回合只是贏一比零,回到主場未能安心。

曼聯禁區有接觸,費特落腳,拉傑迪跌低了,球證堅定直指十二碼,鏡頭無處不在,真相無所遁形……

曼聯在十六強次回合絕地反擊淘汰聖日耳門,今次機會只怕沒那麼多……

艾殊利楊格一扣再解圍被截到,飛剷補救都差半步,落在美斯腳下,推大位起腳,十六分鐘巴塞開紀錄,惟獨美斯不可取替,一次機會就為巴塞入球。

連一向令人心安的迪基亞都犯了天下門將都會犯的錯,美斯射門竟然漏入了,二十分鐘連入兩球,很丟臉、很陌生的迪基亞,做錯一刻或者沒有了靈魂,給時間他找回自己吧。

曼聯今屆歐聯只好煞科。換邊後,古天奴發熱發亮拉出世界波,弧線這樣難捉摸,在迪基亞手頂過,六十一分鐘,三比零,總比數贏到四球,曼聯還好嗎?

還有美斯倒掛柱邊出底線,總算沒那麼傷。

巴塞結果淨勝三球,兩回合計贏四比零降魔,安心準備四強,鬥利物浦跟波圖的勝方。

有線連講波都抽足水,但無綫喺「直播訪問馬國明媽媽」之後就無以為繼,據聞好似落咗order話唔準抽自己友水,《東張西望》都話:「為避免事件發酵,局外人最好嘅回應方法係完全唔回應。」

其實無綫之外,仲有一個機構斷估佢都唔會抽呢件事水,就係搵黃心穎拍廣告嘅港鐵,畢竟大家都犯過同一樣嘅錯,出軌!


鍾意就快D Share啦!