灣仔鵝頸橋橋底的中國銀行分行，中午時分發生女客戶因不滿排隊輪候時間太長，突然「靜坐」示威事件。事發銀行為中銀軒尼詩道409號分行，接近中午12時許，讀者陳先生到銀行處理個人戶口，當時見到銀行只開了一個櫃位，得一位職員正在工作，導致輪候的人龍有約20多人，人龍的消化速度眼見亦非常緩慢。
陳先生稱，由於輪候時間太長，隊中先有一名男客戶「等得唔耐煩」鼓譟，更破口大罵：「排咗成個幾兩個鐘，得一個counter做嘢！」之後，隊中另一名女客戶亦附和高叫：「係啦，點解咁耐呀？我暈喇喎！」陳先生稱，該名女客戶不斷鼓譟要求「搵人幫手啦」，但銀行一直未有派人上前處理，結果令到該名女客戶更加「火滾」。
陳先生稱，該女客戶突然大叫一聲「我家陣暈啦」，便即時坐在地上「示威」，而銀行保安員見狀才上前了解情況，銀行職員亦上前向女客戶加以安撫。擾攘數分鐘期間，銀行亦加派人手處理排隊人龍，該名示威女客戶見銀行有加派人手，人龍亦較之前暢順，訴求獲得回應，情緒亦冷靜下來，返回原先位置排隊輪候，但未因示威而獲得「優先款待」。就今次事件，《蘋果》正向中銀了解。
記者下午去到該分行視察，櫃位處雖然仍排有長龍，但看到有至少3個櫃位、3名職員提供服務，處理人龍情況暢順，沒有排隊的客戶鼓譟。
追蹤真相 守護公義
免費訂閱支持蘋果 4月10日無阻盡覽
https://hk.adai.ly/PMtkKQIUBV
動腦Q金像獎周
4月8日-12日 10:30PM
Let’s Q the money！Action！
https://hk.adai.ly/zpCd06PPwV
你敢爆，我敢獎！ 立即WhatsApp《蘋果》24小時爆相爆片熱線或致電：63836568
| | | |
|
鍾意就快D Share啦！
|
|
|