唔肯表態 心穎凍過水 馬國明同醉娃拉扯
藝人馬國明前日現身見記者時表示會專心工作，叫大家不用擔心他。昨晚他到旺角為無綫劇集《降魔的2.0》拍攝外景，同場還有譚凱琪。不過，昨晚的拍攝場口就跟黃心穎及許志安的酒後事件有點應景，劇情講述譚凱琪飲到醉醺醺，原本馬國明見到她都想避之則吉，但譚凱琪卻被人撞到，成個人撲落馬國明身上，期間對他又拉又扯，之後黐到實叫他一起行。即使場口應景，但馬國明開工時相當專業，無礙拍攝情緒，而他昨晚心情明顯不俗，與現場工作人員有講有笑。
他事後大方接受訪問，說到鄭秀文公開表示原諒許志安，他即說：「咁咪好囉！（咁你會唔會原諒心穎？）唔答喇！之前都講晒！」期間，不少街坊見到馬國明都大叫：「我哋好支持你o架！你加油呀！」另外，譚凱琪被問到場口似乎十分應景時，她即有點尷尬說：「都係順住正常咁拍。（馬國明有冇唔開心？）冇呀！佢好專業！」
來源 source: http://orientaldaily.on.cc
|
鍾意就快D Share啦！
|
|
|
