掃呢頁CODE去手機

2019年4月19日 星期五

英超Fever:C朗最後一站 最想去曼聯掛靴 __,C朗,基斯坦奴朗拿度,曼聯,

(GettyImages)祖雲達斯喺歐聯8強出局之後,身為「歐聯戰神」嘅C朗神話破滅,更加引起佢同球會出現矛盾。根據意大利《共和報》爆料,C朗不滿祖記 ...


(Getty Images)


祖雲達斯喺歐聯8強出局之後,身為「歐聯戰神」嘅C朗神話破滅,更加引起佢同球會出現矛盾。

根據意大利《共和報》爆料,C朗不滿祖記增兵力度不足,導致歐聯出局,而且令自己爭奪世界足球先生及歐洲金球獎嘅機會大減。

不過祖雲達斯認為係C朗表現差過預期,總之雙方關係已急劇轉差,呢位葡萄牙球星嘅合約原本簽至2022年,但依家可能提早兩年解約,於明年夏天離開。

祖雲達斯被阿積士淘汰後,有C朗身邊朋友透露,指呢位34歲射手非常嬲,明顯不滿隊友表現。C朗媽媽之後接受《米蘭體育報》訪問,話乖仔好傷心同失望,因為佢一直以為能夠打入決賽。

C朗之前效力皇馬連續8屆打入歐聯4強,對於今次8強止步,對佢打擊非常大,最大鑊係會方唔體諒佢,據悉有高層指C朗應該再踢好啲。

前祖雲達斯教練卡比路踩多一腳,認為C朗加盟祖記之後,會方被逼犧牲希古恩同保羅戴巴拿,但C朗作出嘅貢獻有限,球會唔值得咁遷就佢,而破壞隊團精神。

種種聲音令到C朗好無癮,加上佢加盟祖記,絕非只為意甲冠軍,而係希望挑戰自己,幫助另一隊奪取歐聯,證明自己球王級數。如果C朗認為祖記無法嘗到歐聯冠軍滋味,好可能提早離隊,甚至會返曼聯掛靴,或者去美職搵食。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 




來源 source: http://hk.on.cc
鍾意就快D Share啦!