2019年4月7日 星期日

英超Fever:曼聯有Plan B 兩大人選替迪基亞 __,曼聯,

(GettyImages)曼聯門將迪基亞遲遲未肯續約,令會方開始失去耐性,英國《每日郵報》爆料,指紅魔鬼管理層已經做最壞打算,就係放走呢位西班牙國腳, ...


(Getty Images)


曼聯門將迪基亞遲遲未肯續約,令會方開始失去耐性,英國《每日郵報》爆料,指紅魔鬼管理層已經做最壞打算,就係放走呢位西班牙國腳,並已經開始物色新門將,依家有兩位目標人物,包括比克福特、奧比歷。

據悉迪基亞要求新合約必須有35萬鎊周薪或以上,但曼聯已有1位50萬鎊周薪嘅阿歷斯山齊士,唔想再加重財政負擔,亦怕之後位位球員都獅子開大口,要求大幅加薪,所以唔會接受迪基亞嘅人工要求。

由於迪基亞將於明夏約滿,加上巴黎聖日耳門願意以高薪簽佢,再咁拖落去,呢位28歲鋼門必然離隊。

曼聯知道迪基亞續約機會愈來愈低,惟有做兩手準備,搵定新門將,其中效力愛華頓嘅比克福特,一直係曼聯嘅心頭好。

早於摩連奴仍然執教曼聯時,已經睇中比克福特,呢位25歲鋼門上年世界盃表現出色,協助英格蘭打入4強,估計佢現時身價為6000萬鎊。相起車路士門將阿列沙巴拿加、利物浦門將艾利臣比加,比克福特身價仍然低一截,曼聯絕對可以接受。

至於26歲波斯尼亞國腳奧比歷於2014年開始效力馬體會,幫球隊打入2016年歐聯決賽,及捧走2018年歐霸盃冠軍。馬體會能夠擁有西甲最穩健防線,佢居功不少。

值得一提,馬體會近年出產唔少好門將,包括迪基亞、泰拔高圖爾斯都係效力馬體會時打出名堂,曼聯搵奧比歷替代迪基亞都好合理。不過,奧比歷身價達8500萬鎊,可能令紅魔鬼卻步。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 




來源 source: http://hk.on.cc
鍾意就快D Share啦!
Related Posts Plugin for WordPress, Blogger...