胡鴻鈞近日忙於為無綫拍新劇《降魔的2》，據知一周前他拍攝吊威吔戲份時，不慎由高處墮下送院，據知胡鴻鈞當時是後腦落地，現場安全措施不足，至今仍留院觀察，日前有人拍到他被醫護人員推着坐輪椅往照腦掃描，當時胡鴻鈞戴上口罩。有指無綫封鎖消息，劇組全部要封嘴。昨日下午4時45分，胡鴻鈞的唱片公司老闆何哲圖現身醫院探病，指胡鴻鈞仍有頭暈，要暫時停工留院觀察，但否認「封嘴令」：「唔係，我哋想佢休息。」
| | |
間中有暈
昨日下午4時45分，何哲圖現身醫院：「上星期嘅事，唔記得係星期六定星期日，醫生同佢檢查過，佢𠵱家慢慢康復。」提及意外發生，他說：「當時拍緊劇，佢撞親個頭。」問有否頭暈或休克？他說：「有少少暈，醫生幫佢好細心咁檢查。」問到是否已做腦部掃描？何哲圖說：「有，𠵱家佢有媽媽照顧，但未知幾時出院。」何哲圖指胡鴻鈞傷勢樂觀，沒有表面傷痕，但因為仍有點倦，間中有頭暈，所以暫時未能出院，要待醫生檢查清楚。問到胡鴻鈞今次意外是否影響活動能力？他說：「要瞓覺休息，但就冇嘔。」
監製關心
問到胡鴻鈞是否吊威吔墮下受傷，何哲圖表示要問劇組，至於有否影響拍攝進度，他同樣示意要問劇組，有否影響拍劇以外的工作？他說：「佢𠵱家主要拍劇，其實監製都好關心佢。」
29歲的胡鴻鈞2010年參加歌唱比賽《超級巨聲2》奪亞軍入行，兩年後簽約星煥國際出道，2015年翻唱《化蝶》及《明知故犯》人氣急升，翌年轉戰電視劇《殭》，反應不俗。早前他有份參演的劇集《降魔的》大受歡迎，添食拍續集也有份參演。
採訪︰黃曉妍
攝影：仇志德
|
鍾意就快D Share啦！
|
|
|
