熱爆娛樂: 【小春俾面獻身】杜德偉自家時裝杭州首度開騷 _

2019年5月30日星期四

【小春俾面獻身】杜德偉自家時裝杭州首度開騷 __,杜德偉,陳小春,

【小春俾面獻身】杜德偉自家時裝杭州首度開騷
12分鐘前

馬上成為壹會員

會員專區只限會員閱讀

眾所週知杜德偉（Alex)老來得子，有個兩歲嘅寶貝囝Alex junior, 原來佢仲有另一個baby ,就係佢嘅自家時裝品牌MNA。Alex呢個brand眨吓眼已經創立咗十年，日前喺杭州舉行首個時裝騷 , 佢眼光獨到，搵嚟好友陳小春為時裝show壓軸出場。小春踏上舞台即掀起整晚嘅高潮，所有嘉賓紛紛舉機狂影。

第一次行catwalk嘅小春，完show後接受訪問：「我仲流緊汗，行之前唔知自己要望邊到，最後唔諗啦，昂然大步挺胸行就算好彩有音樂，如果冇音樂，真係騰呀！行完幾分鐘catwalk，好似唱完半個鐘頭演唱會咁！」Alex馬上反問：「係唔係呀？」小春說：「真係！唔係講笑！我picture唔到個畫面係點，如果台下冇人有反應咁點算呢？又驚有肚腩又驚條褲會甩⋯⋯」Alex回應：「我啲衫點會呢？小春又咁fit！真係好多謝小春，因為獻出第一次，但佢完全駕馭到套衫，佢一行出場全場哄動，有小春成個show真係生色不少！」而其他好友志偉、B哥則投訴：「點解靜係叫小春，唔叫我哋行呀？」Alex說：「下次要要幫曾志偉設計衣服，揀套短度闊風比佢！」Alex再問小春，下次是否願意再幫手行show，小春爽快回答：「冇問題！」Alex說：「朋友就係咁樣」