掃呢頁CODE去手機

2019年5月5日 星期日

何嘉莉:大仔喊住鬧衰人 何嘉莉狠心幫囡囡剃光頭 __,何嘉莉,

變咗光頭妹!藝人何嘉莉(Lillian)早兩個月誕下B女Raina第三度做媽媽,呢日佢貼出最新照片,見Raina𢲡埋口面睇落好唔開心,原來係畀媽咪剃光 ...


變咗光頭妹!


藝人何嘉莉(Lillian)早兩個月誕下B女Raina第三度做媽媽,呢日佢貼出最新照片,見Raina𢲡埋口面睇落好唔開心,原來係畀媽咪剃光咗𢛅頭,Lillian留言解釋點解咁狠心:「一屋BB『仔』,媽媽今次唔理三七廿一,未滿2個月就剃人啲頭髮,BB嬲嬲豬。」雖然Raina得兩個月大人仔,不過都好似知道畀人剃光頭唔靚女咁皺晒眉,眼神充滿懷疑唔明媽咪點解要咁做,個樣非常可愛!

睇番差唔多20個月大嘅大女Zoe嘅情況,早幾日都遭媽咪「狠下毒手」剃光咗頭,Lillian喺社交網解釋話:「因為Zoe頭頂啲頭髮冇長過,7個月大同19個月大都係一樣。」所以佢先會剃晒囡囡啲頭髮等佢哋重新生過,雖然變咗光頭妹,不過Zoe好淡定好似冇乜嘢,同媽咪去街時,仲開心擺晒pose企定定影相。

兩個囡囡剃光頭呢件事,當中發生咗單好溫馨嘅嘢,就係6歲嘅大仔Jean返到屋企見到妹妹光咗頭,即時爆喊鬧Lillian「衰人」同「狠心」,仲話要陪妹妹一齊做光頭一族,Lillian話見到Jean咁錫妹妹覺得好窩心!




來源 source: http://hk.on.cc
鍾意就快D Share啦!