掃呢頁CODE去手機

2019年5月23日 星期四

【Captain Nancy係得嘅!】69歲薛家燕學四式空中瑜伽 消脂減豬腩肉 __,薛家燕,

攝影:陳俊強
69歲高齡的「CaptainNancy」薛家燕近日又有新任務,她竟去學空中瑜伽。家燕姐將於6月29日在澳門舉行「薛家燕愛你無限60年演唱會」,她想以更 ...


69歲高齡的「Captain Nancy」薛家燕近日又有新任務,她竟去學空中瑜伽。



家燕姐將於6月29日在澳門舉行「薛家燕愛你無限60年演唱會」,她想以更佳狀態見觀眾,於是便向瑜伽導師思敏拜師,家燕姐日前換上簡單便服往旺角上堂,從來未做過瑜伽的她先跟思敏拉筋熱身,然後思敏便示範四式指導家燕姐,四個動作看似輕鬆,但對於初體驗的家燕姐來說其實有難度。



家燕姐看到吊床,對它的承托力存疑,當確定安全可靠,她才坐上吊床,還嘗試逐一把手腳伸展,動作由淺入深,先是蹺腳坐吊床玩氹氹轉,跟着又轉甫士,把身體平躺吊床,手腳伸長舒展筋骨,也有利用右腳穿過吊床借力屈膝,左腳則向後配合拉直,家燕姐每挑戰成功一個難度較高的動作,她都一臉得意,更高舉V字手勢。家燕姐還變成電影《食神》的味公主,大講爛gag:「好輕功,估唔到一個咁重嘅人,都可以身輕如燕,正如薛家燕。好吊床,一個好似絲帶咁嘅吊床,竟然可以吊起一個咁肥嘅人,亦遮起佢嘅肥肚腩,絕!」思敏看到家燕姐努力擺甫,即笑指她這些相片會成為「潛力圖」。



半小時的空中瑜伽,對於家燕姐這位新丁來說已是一個大考驗,加上她日前在內地吃過生蠔後返港屙嘔不適,甚至昏迷了兩分鐘,身體才剛好康復便做瑜伽,家燕姐全程量力而為,學做了四個動作便開始出汗,她說:「其實瑜伽動作擺嘅姿勢好靚,難度亦好高,真係唔係一朝一夕。瑜伽可以喺好舒服環境下,做啲柔軟動作,雖然唔算劇烈運動,但都會出汗。我今次只係學到幾個簡單動作,但仍然要加深去練習,我見佢仲有啲飛高倒轉動作,我都好想下一步可以做得到,要慢慢嚟,等我做好啲先。」家燕姐相信日子有功,她計劃:「希望可以每周抽到兩、三日嚟鍛煉身體,做瑜伽都練到氣,人又窈窕啲,動作平衡力都好啲,呢方面我要加緊努力。」



家燕姐大讚思敏做瑜伽身形纖瘦:「我都想多做瑜伽,好似思敏keep得好靚、好型,條腰唔似我要遮嚟遮去。冇理由佢越嚟越靚,我就衰退,咁就有動力嚟學。」其實思敏早於家燕姐去年底紅館開騷前便游說她來做瑜伽,無奈時間配合不到,最近有空檔,家燕姐即的起心肝來上堂,她謂平時返旗下的中心時,見到學生跟導師跳Hip Hop,她都腳痕要一齊玩,「我好鍾意音樂,次次都聞歌起舞,成日喺屋企由廳跳入房,由房跳番出去。」



家燕姐左膝有舊患,她說:「當年復出拍攝電影《黑玫瑰之義結金蘭》,有打鬥場面,我諗住以前都拍開打戲,試戲時冇用力,到嚟真先用力,就係咁疏忽咗,又忘記咗已拍到半夜,就係咁拉傷左膝半月板,醫生事後有叫我好番都要做吓運動練番,我冇做足,而家變成舊患,跳舞都要戴護膝或叫排舞師就住。不過,年紀真係呃唔到人,身體似機器,有唔妥地方要保住。」



距離澳門騷尚有一個月時間,家燕姐本周開始投入綵排,她希望到演出前,可把體重減到120多磅,上次紅館開騷,對手謝天華跟家燕姐共舞,更順勢把她抱起擺甫,博得全場觀眾喝采,這一環節當然要「安歌」,家燕姐說:「我打畀天華,叫佢點忙都要度期嚟,一定要有呢part,冇呢part好失色,呢part我哋排咗好耐,係難跳,天華跳舞出身,佢好勁,天華笑住話:『你到時太重,唔好聯絡我』,我先幾日病完,都減咗幾磅,我諗開騷前再減多13、14磅喇,今次監製仲要求佢抱我耐啲到升上台,佢猛話好難,動作一定要標準同靚,唔係一陣跌咗落嚟就唔靚,我叫佢頂住。」家燕姐表示自己臉部和手腳都纖瘦,只是「中間肥胖型」:「我『腰纏萬貫』呀。」她會積極減走豬腩肉。



思敏對於家燕姐這位初學者的表現,她評價:「以佢咁嘅年紀,論靈敏度,100分滿分,我畀佢85到90分,或者佢有跳開舞,只係唔慣瑜伽動作,我掂佢身都出晒汗,佢好畀力,鍛煉多啲好快收到肚腩,伸展動作都可以令佢拉開胸口。」



撰文:比華利

攝影:陳俊強

攝錄:廖達燊

場地:Treehouse Yoga



-----------------------------------

【六四30】守住歷史 拒絕遺忘

https://hk.adai.ly/zdzKtt2RiW



--------------------------------

【記住63836568】全民爆相爆片!下一個爆料王就係你

https://bit.ly/2Guolu9



攝影:陳俊強 家燕姐很享受做空中瑜伽的樂趣。 家燕姐很享受做空中瑜伽的樂趣。
家燕姐掌握了難度較高的動作,大有成功感。

家燕姐掌握了難度較高的動作,大有成功感。
家燕姐把雙腿前後放,右腳穿過吊床做壓腿。

家燕姐把雙腿前後放,右腳穿過吊床做壓腿。
家燕姐坐在吊床,雙手伸展。

家燕姐坐在吊床,雙手伸展。
家燕姐愛上了高空瑜伽這項運動。

家燕姐愛上了高空瑜伽這項運動。
家燕姐做瑜伽前不忘拉筋熱身。

家燕姐做瑜伽前不忘拉筋熱身。
家燕姐最愛帶歡樂給觀眾。

家燕姐最愛帶歡樂給觀眾。
瑜伽導師思敏(右)指導家燕姐做四式動作。

瑜伽導師思敏(右)指導家燕姐做四式動作。

鍾意就快D Share啦!