馬上成為壹會員
會員專區 只限會員閱讀
早前，有傳媒影到林憶蓮帶同女兒李喜兒，飛去台北會合前夫李宗盛，一家三口罕有合體。據知，呢行除咗係李宗盛為憶蓮補祝4月底53歲生日兼提早慶祝母親節，另外，順便同喜兒提前慶祝佢將於5月17日踏入21歲嘅大日子。甚少返嚟香港嘅喜兒，趁媽咪生日，又係母親節，再加上係自己21歲生日，所以，特別由英國返咗香港陪媽咪！呢日見到戴住口罩嘅憶蓮，喺助手陪同下行超市入貨，掃咗一袋二袋，睇嚟都係為咗煮愛心晚餐俾喜兒食。
即將踏入21歲嘅喜兒，個樣同媽咪一樣好有格調，眼睛雖細但很有味道，最緊要係喜兒遺傳咗媽咪嘅豐滿身材，而且青出於藍，好澎湃！自細已經讀國際學校嘅喜兒，講得一口流利英語，性格亦比較開放，著衫最緊要舒服，就算性感都冇所謂。憶蓮講過自己會同喜兒一齊行街買衫，會互相俾意見，母女嘅品味差唔多。早幾年喜兒去咗紐約讀書，之後再轉去英國，住喺Notting Hill，同媽咪一樣好有生活品味。憶蓮一直很抗拒傳媒打擾女兒的生活，所以很早便讓喜兒出國讀書，先去紐約，再到英國。憶蓮曾經講過特別唔想女兒曝光，咁會對佢唔公平，希望大家讓佢可以健康自然地成長。5月17日21歲嘅喜兒，唔單只有媽咪嘅味道，受媽咪影響，佢一樣咁捍衛女性權益，曾經同朋友拍過條片，為受過性侵犯、暴力對待等的女性發聲，係新時代女性典範。最令人驚喜嘅，係喜兒唔只遺傳憶蓮嘅好身材，佢同阿媽一樣咁唱得，唔信，聽過你就知！
攝錄：陳亦龍
立即下載APP，精彩內容壹手掌握
如對會員訂閱制有預到任何問題或意見，你可以致電 2623 9985，或電郵聯絡客戶服務主任atnextsub@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|
