林峯闊別香港螢幕五年的網劇《PTU機動部隊》，昨晚在黃Viu搶先播，這是林峯相隔十年再夥拍蔡卓妍（阿Sa），劇中除方中信、張繼聰、溫碧霞之外，還有林雪、張錦程、石修、苑瓊丹等老戲骨壓場。昨晚一連播出三集，林峯似古惑仔又似PTU，阿Sa周旋三個男人，鬧吳浩康賤男、讚張繼聰極度聰明，林峯是默契爽快型。
採訪：嵐山
黃Viu煲劇平台昨晚首播的《PTU機動部隊》，全劇在香港實地取景，甚至有現役PTU警員參與演出，還有不少爆破和槍戰場面，令劇集更具真實感。昨晚連播三集，1O1O/csl客戶及Viu升級會員可以免費率先觀看，稍後NowTV及ViuTV都有得睇。昨晚劇情講述林峯演的卧底探員高家聲，成功瓦解黑幫後，重回警隊，但因長時間做卧底，行為舉止仍似足一個古惑仔。在一場追捕趙毅添演的鬼添行動中，竟然有賊贓失竊，林峯成為最大嫌疑者，令PTU內部分化，其他隊員更視林峯為眼中釘。
同苑仔最有火花
林峯受訪時說：「其實幾踩界，高家聲係個唔正路嘅警察，以暴易暴，幾有威脅性。」他表示與台前幕後都好有默契，尤其與「阿媽」苑仔最有火花，他說：「石柳姐真係唔使嗌cut機嘅，佢係對嘴王，帶畀大家好多歡樂。」今次是林峯第一次着軍裝演出，他大呼過癮：「以前都係便衣或卧底，今次制服誘惑呀！我哋試過唔使roll機時行近其他車，未行到埋去啲車已經走晒，又試過有外籍人士以為我哋係真警察，叫我哋幫手。」
被指「唔係女人」
阿Sa飾演硬淨沙展何慧玲，阿Sa第三集已爆seed狂鬧賤男吳浩康，劇中飾演吳浩康媽媽的麥玲玲，講明生一個一層樓，為此吳浩康積極籌備婚禮，此時阿Sa講出不育真相，換來不是體諒，而是侮辱。劇中吳浩康說：「你生唔到仔就唔係女人，男人掂你，都係因為唔使戴套。」激到阿Sa掟杯趕他走。
阿Sa受訪時說：「好嬲呀，好想撕爛個劇本，心諗係咪真係有人會咁講嘢，連跟場嘅茶水姐姐都睇到好肉緊。」阿Sa在劇中周旋於三個男人中，她說：「吳浩康係前男友，張繼聰係暖男，我哋之前唔太熟，但合作後發覺佢極度聰明，係會諗埋對手點做，會撞到idea。至於阿峯，好有默契，大家都係爽快型，最開心係同佢拍嘢好多嘢食，佢成日請大家食嘢，好難瘦。」
角色逐個睇
《PTU機動部隊》集好戲之人，角色間互生火花，個人心路歷程也大有空間發揮。
【今晚劇情爆發】同僚單打林峯摺凳還拖
今晚在「黃Viu煲劇平台」播出的《PTU機動部隊》，這集會上演大龍鳳，張錦程演的「和興盛」坐館茅躉榮，一直懷疑林峯拎走袋錢，碰巧在大牌檔遇上PTU隊員食飯，有人對林峯單單打打，林峯即拎摺凳準備還拖，幸得方中信演的劉建暉施計擺平。預告片中，見趙毅添用槍威嚇苑瓊丹一齊打麻雀，二人用視像通話，擺明要逼林峯代尋回失款。
|
鍾意就快D Share啦！
|
|
|
