蕊蕊笑言比唔上金剛新歡！
藝人蕊蕊出席表演藝術學校開幕活動，透露之前亦有上堂學喜劇，自言沒有喜劇細胞，想多方面發展。問到有沒有留意前男友金剛新戀情，她說：「佢哋開心，開心過以前，都幾好。（你覺得同你一齊唔開心？）嗰時佢工作上有唔開心，同埋有好多其他因數，大家都有嗌交，依家見到佢開心，都祝福佢哋。（佢女友身材好好？）係，身材好正。（驚唔驚攞你同佢比？）冇得比，大家都唔同類型，佢係台灣辣妹，我依家都少咗性感，唔係好識show off，近年都想大家留意我工作，都想收起性感。」問到依家有冇追求者，她表示：「大家都知我單身，都多咗好多朋友，咁都有追求者，但唔係好啱，要搵到個啱先得，始終年紀都唔細，唔想玩玩吓。」
此外，蕊蕊剛到大陸拍了一套古裝片，將會再接拍一套電影懸疑片，與邵仲衡合作，她表示戲中飾演驅鬼師不需要性感。
來源 source: http://hk.on.cc
|
鍾意就快D Share啦！
|
|
|
