很多人視父親為英雄人物，遇上問題大叫一聲「爸爸」，總時隨傳隨到，陳展鵬要做好爸爸。父親節將至，藝人陳展鵬與單文柔於一年內完成結婚及生仔人生大事，之前女 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
很多人視父親為英雄人物，遇上問題大叫一聲「爸爸」，總時隨傳隨到，陳展鵬要做好爸爸。
父親節將至，藝人陳展鵬與單文柔於一年內完成結婚及生仔人生大事，之前女兒Quinta（小豬比）出世時，展鵬正為拍攝劇集《唐人街》忙個不停，到剛剛拍畢才有時間正式享受家庭、湊女樂。今年亦是他首次以「爸爸」身份過父親節，展鵬笑言：「開心嘅，感覺好得意，但又好似唔係好習慣！」
小豬比見到我會笑
展鵬接受專訪時表示有了小朋友就像新開始一樣，很神奇，每件事都覺得很有意義，他謂：「每朝見到小豬比，雖然可能要等幾秒先認到我係邊個，但佢已經識同我笑，同埋我成日同佢講，要叫媽咪先，要錫媽咪先，因為我都好錫媽咪，所以佢都要咁做，至於自己就會畀最好嘅佢哋，小豬比錫唔錫我，喺個心入面就OK嘅喇！」他又表示到他60歲時，小豬比都20歲，希望盡自己能力給她更多，故現時對每件事都好有衝勁。
做爸爸後責任大了
對於與小朋友相處，展鵬坦言起初信心不大，但現時卻有新看法。展鵬笑言：「我都適應到，佢好叻，一個月開始已經自己戒咗夜奶，依家開始識玩，要同佢玩一齊先肯食奶，開始要感受佢同適應佢嘅性格，先可以同佢相處到！」
始終「前世情人」往往可令一個男人軟化，亦有不少朋友覺得展鵬做了爸爸後轉變了，展鵬坦言：「我又覺得冇乜嘢唔同咗，只係好多嘢要兼顧，我不斷提自己一定要安排得好好，唔係問題就會出現，我諗係……好似小豬比佢啲便便整到我一身都係，我唔會覺得唔開心，咁都係我哋同佢包尿片包得唔好啫！係我哋疏忽！佢唔會專登㗎嘛！潛移默化令我對好多嘢都會睇濶啲，包容度大啲，同埋有咗佢之後，同朋友話題多咗，之前講來講去都係工作，依家會講啲BB嘢！」展鵬坦言做了爸爸後，責任大了，都曾經想得太多想到驚，但好多時都是自己嚇自己。
---------------
立即參加「賞您睇」： http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
