現年55歲的翁靜晶與拍拖五年的何東曾孫何猷彪去年底註冊結婚，當時曾舉行佛教儀式。昨日，翁靜晶偕丈夫在香港聖約翰座堂再舉行婚禮，身穿白色露肩婚紗的翁靜晶蹺着丈夫步入教堂，一面幸福。新婚的二人更約定捐出全部身家作慈善，不留給下一代，希望大眾都可以得益。
相關新聞：樂極忘形忘拋花球
翁靜晶與丈夫何猷彪昨日在香港聖約翰座堂再舉行婚禮，原來昨日正是何猷彪爸爸何鴻章的生忌，所以新郎哥特別揀選昨日行禮紀念亡父。昨早9時30分，何猷彪先到達教堂，面帶燦爛笑容，他先在門口跟工作人員傾談，記者上前恭喜他，他報以微笑說：「唔該、唔該。」
至上午10時33分，一對新人步入教堂，身穿露肩婚紗的翁靜晶蹺着何猷彪，沿路向賓客展露微笑，一對新人宣讀誓詞時，何猷彪全程拖着翁靜晶的手，兩夫妻不時對望甜笑，互相交換戒指後，何猷彪揭起翁靜晶頭紗輕吻新娘。禮成後，眾人在戶外草地影合照，對於被問到心情如何，翁靜晶甜笑說：「好開心好開心！」問到女兒劉萬儀及劉幸儀有否到賀，翁靜晶拒談：「唔答喇！唔答喇！好開心！」
全部身外物
其後，翁靜晶與丈夫在深灣鄉村俱樂部設宴，提到她早前稱銀行疏忽，搬遷保險箱沒有通知一事。翁靜晶淡然地說：「冇乜大不了，因為我先生知道我為結婚要戴啲乜去張羅，先生就話：『你乜嘢都唔使喇，我已經準備晒。』」問到保險箱內是否有家傳之寶，翁靜晶笑了一笑說：「你話呢？不過點講都好，呢啲都係身外物，你見到我戴住嘅首飾好靚？呢啲都會全部捐出去，我哋冇計劃生，我兩個女都講咗唔會拎人哋嘅錢，我哋都有一個意願，希望自己嘅嘢都係捐出去做慈善，令大家可以得益，至於捐畀邊個，我哋到時會公佈，唔會剩任何嘢畀下一代，係全部捐晒。」
相關新聞：尊重彼此信仰
講錢很庸俗
問到昨日身上的鑽飾價值多少，翁靜晶說講錢很庸俗：「任何嘅嘢都唔屬於我，所有身外物都唔屬於我哋，『來不帶來、走不帶走』，見到所有嘅一切，對我嚟講都唔係任何嘢，我覺得畀到去有用嘅人手上，先係真正有用，我一向係好樸素，我以後都會咁樣，唔會因為身份轉變，而去變咗另一個人，我仍然係我，我仍然都係唔鍾意呢啲嘢，尊重戴一戴，戴完之後，呢啲都會攞去畀人。」
翁靜晶指丈夫吸引之處是為人善良公義，作為「富四代」沒有壞習氣，也沒有依靠家財，她說：「每次去捉假和尚，佢會俾人影到喺角落支持及保護我，我覺得好難搵到一個志同道合嘅人，尤其佢對法律嘅熱情，佢亦係法律學者，我哋喺法律上有共同興趣，去研究點樣可以幫到更多人，有共同目標，感覺唔錯。」
採訪、攝影：羅慧敏、陳俊強、嵐山
|
鍾意就快D Share啦！
|
|
|