掃呢頁CODE去手機

2019年6月7日 星期五

【蘋果驗樓】直擊南昌一號「四房神則」 業主何太:放到床多間房有咩唔好! __,蘋果,

恒地(012)深水埗南昌一號「四房神則」已入伙。
直擊恒基地產(012)深水埗南昌一號「四房神則」現樓!3年前開賣的南昌一號上月底入伙,《蘋果》記者實測實用不足600方呎竟劏出4個房間的A單位,4個房 ...


直擊恒基地產(012)深水埗南昌一號「四房神則」現樓!3年前開賣的南昌一號上月底入伙,《蘋果》記者實測實用不足600方呎竟劏出4個房間的A單位,4個房間實用面積由約44呎至逾60呎,最細44呎房間堪稱細過囚室。業主何太話: 「只你要間房放得到一張床嘅話,多間房有咩唔好啫,咁佢又真係放得到一張床呀! 」

南昌一號是單幢樓,一梯四伙,標準B及C室分別為實用面積364至367呎的兩房單位,標準D室實用面積417至418呎竟提供3房,但標準A室更絕,實用595呎竟劏四房。叫得神則,因為有限空間卻劏出比坊間較多房間,例如同系鴨脷洲倚南中層D室實用567呎為3房單位,而中層C室實用449呎為2房單位。

相關新聞:【我的置業故事】二千萬樓畀一半首期 80後陳太:投資賺番嚟,冇得教!



《蘋果》直擊一個高層A室,4個房間面積由44呎至逾60呎,主人房面積由約54呎方形空間與逾6呎衣櫃位組成,另加數呎開門位。遷就房門及套廁門,只能靠近窗邊擺床,由窗邊拉尺度到房門邊約4呎半,身高1.7米記者瞓低,頭頂腳下仍有餘位,就算不偷窗台仍可放雙人床,但窗台有兩個閘角又無法偷來做床位。



被主人房衣櫃位食去6平方呎凹位的細房,雖然面積約50呎,且比另外2個細房略大幾呎,但現場觀感卻是全屋最細一間房,相信由於無窗台,觀感完全比下去。該房又相連工作平台,遷就房門與平台門開關後,僅餘靠牆空間放置傢俬,但仍有3呎2吋乘6呎半,料夠放單人床,但僅餘一條數呎闊通道。

相關新聞:【我的置業故事】沽深圳樓賺兩球返港買樓 港人:大灣區非遍地黃金



另外,2間細房面積均約44呎,睡床可橫可直,但兩房均2呎乘6呎半窗台,足夠偷位做床,亦令房間空間增加十多呎空間,現場睇落亦感闊落。全屋不足600呎,竟然間出4個房間,關鍵除了房細,還不設玄關,且開放式廚房,沒有獨立一個廚房,造成客飯廳合一約110呎,比較同系倚南2款3房客廳分別125呎及137呎,分別細15至27呎。



何太買上述單位前,已深明單位正是四房神則,「只你要間房放得到一張床嘅話,多間房有咩唔好啫,咁佢又真係放得到一張床呀!其實呀,香港有啲樓,床都放唔到有啲實呎二百幾呎嘅屋,佢啲床都要訂造㗎啦,咁而家我一樣訂造咪無問題囉!我睇過示範單位,無感覺到單位有乜嘢喎!細嘅樓,我都睇過,而家推出啲納米樓咪仲細。所以我唔買納米樓,買大間啲,方便租畀家庭客。納米樓,你可能年年搵經紀放租,因為租客覺得唔夠住,又要搬。如果有4間房,家庭客唔會住一、兩年,立亂搬屋。而家個單位我接受到,香港地,地少人多,你要一千幾百呎,都要睇下自己實力先得嘅。」她補充:「280幾呎,一廳2房咪仲細!」



這個四房神則單位是何太以近1,100萬元買入,支付兩成首期後,餘下8成由從事金融業的80後女兒來供,月供約3.7萬元,「無打算女兒還首期畀我,反正,自己手頭有啲空閒資金,咪等佢供下樓,做下業主,感受下囉!見呢度舊區重建,將來會更好,考慮目光要長遠。當時買又唔係話太貴。」近期中美貿易戰?「無驚過。我覺得香港嘅樓市,有買貴就無買錯,今年畀唔到你,或者跌咗落去,但佢始終都會畀返你。」



多年來鍾情投資磚頭,自認股市仍處於交學費階段,「自己又唔識睇,升嘅時候自己又唔識落車。好似幾年前買滙豐(005)60幾蚊買入,英國脫歐消息,跌到50蚊,買咗幾個月,輸幾萬蚊。咁輸少少啫,你唔俾返啲學費,又邊有教訓呢。但其實利息係幾好,不過自己唔夠膽買,賺咗又唔識放,以為仲有得升。股票,無乜興趣參與。」



「我而家呢層樓,如果放租收返3萬幾蚊,有返3厘息。當樓價每年升10%,十年後咪賺返本,又賺租金。」但97亞洲金融風暴、08年金融海嘯,本港樓市下跌,何太話:「就算樓市跌10%…20%…,10年後升返1倍畀你。而家等阿女去供樓,如果佢供唔起,我咪同佢供囉。(但你退休啦喎?)我仲有積蓄,預咗樓市逆轉嘅時候,幫佢供!」育有一子一女的她補充,自己的身家「將來咪又係佢哋嘅!」



至於上述四房神則的交樓質素優良,資深驗樓師賴達明驗收,主要是主人房套廁窗頂有一塊空心磚,其中一個房間外的玻璃窗邊膠有孔需要修補,14項工種有9項滿分,計及少許門邊刮花、修口罅、手柄鬆,單位驗樓評分96分。



記者:陳家雄



影片

採訪:陳家雄 張嘉鎣

編撰:張嘉鎣

攝影:細釗

剪接、後期:覃耀祥

編審:楊智佳

-----------------------------

新聞有價 你肯為《蘋果動新聞》付幾多錢?

https://hk.adai.ly/QDTT6y5mgX



恒地(012)深水埗南昌一號「四房神則」已入伙。 南昌一號「四房神則」業主何太表示,放多張床有咩唔好! 南昌一號「四房神則」業主何太表示,放多張床有咩唔好!
記者直擊,其中一間細房約50方呎,料可放單人床。

記者直擊,其中一間細房約50方呎,料可放單人床。
單位主人房的床位有4呎半乘7呎,身高1.7米記者瞓底,仍有餘位,足夠放置雙人床。

單位主人房的床位有4呎半乘7呎,身高1.7米記者瞓底,仍有餘位,足夠放置雙人床。
另外2間睡房面積相約為44方呎,如果偷窗台位,可偷多十多呎放床。

另外2間睡房面積相約為44方呎,如果偷窗台位,可偷多十多呎放床。
資深驗樓師賴達明「明哥」驗收這個「四房神則」,交樓質素好,只是主人房廁所發現一塊空心磚,驗樓得96分。

資深驗樓師賴達明「明哥」驗收這個「四房神則」,交樓質素好,只是主人房廁所發現一塊空心磚,驗樓得96分。

鍾意就快D Share啦!